VIDEO / સંસદમાં શપથ લેતા જવાન યોગી આદિત્યનાથનો 25 વર્ષ જુનો વીડિયો વાયરલ, માની ન શકાય તેવા દેખાયા

• ઉત્તર પ્રદેશના મુખ્યમંત્રી યોગી આદિત્યનાથનો જૂનો વીડિયો વાયરલ
• વીડિયો 25 વર્ષ જૂનો હોવાનું અનુમાન
• યોગી આદિત્યનાથે સંસ્કૃતમાં લીધા હતા શોપથ

આજકાલ ઉત્તર પ્રદેશના મુખ્યમંત્રી યોગી આદિત્યનાથ ખૂબ જ ચર્ચામાં છે. અનેક વખત તેમના ભાષણ અંગેના વિડીયો સોશિયલ મીડિયામાં વાયરલ થતા હોય છે. પરંતુ હાલ સોશિયલ મીડિયામાં એક અનોખો વિડીયો વાયરલ થયો છે. જે લગભગ 25 વર્ષ જૂનો માનવામાં આવી રહ્યું છે. આ વીડિયોમાં દ્રષ્યમાન થતી વિગત અનુસાર સંસદ ભવનમાં ઉત્તર પ્રદેશના મુખ્યમંત્રી યોગી આદિત્યનાથ સંસ્કૃત બોલતા નજરે પડી રહ્યા છે. નોંધનીય છે કે મુખ્યમંત્રી બનતા પહેલા યોગી આદિત્યનાથ ગોરખપુર બેઠકના સાંસદ હતા. 

Year 1998, young Yogi Adityanath taking oath in Sanskrit in the parliament 🔥 pic.twitter.com/00Syy7PHQc

— Flt Lt Anoop Verma (Retd.) 🇮🇳 (@FltLtAnoopVerma) May 7, 2023

યોગી આદિત્યનાથ વીડિયોમાં યુવાવસ્થામાં દેખાઈ રહ્યા છે અને 1998 નો આ વિડીયો હોવાનું માનવામાં આવી રહ્યું છે. લોકસભામાં સંસદ તરીકે શપથ તેમણે સંસ્કૃતમાં લીધા હતા. આપને જણાવી દઇએ કે યોગી આદિત્યનાથ સતત પાંચ વખત સંસદસભ્ય રહ્યા છે.વાયરલ વીડિયોમાં તેમણે ગેરૂઆ રંગની પાઘડી અને કેસરી કલરના કપડા પહેર્યા છે. અને ગળામાં ક્રાંતિની માળા સાથે કપાળ પર ચંદનનું તિલક લગાવ્યું છે. જે સંસ્કૃતમાં શપથ લઇ રહ્યા છે.

1994માં કર્યો હતો સાધુવેશ ધારણ

નોંધનીય છે કે યોગી આદિત્યનાથ 12 મી લોકસભાના સૌથી યુવા સાંસદ હતા. તેમણે માત્ર 26 વર્ષની ઉંમરે સાંસદ બન્યા હતા. ગણિતમાં એમએસસી કરી રહ્યા હતા ત્યારે તેઓ ગુરુ ગોરખનાથ પર સંશોધન કરવા ગોરખપુર આવ્યા હતા. બાદમાં તેઓએ 1994માં સાધુવેશ ધારણ કરી લીધો હતો. બાદમાં ભાજપની ટિકિટ પર ચૂંટણી લડી તેઓ 2600 મતેથી જીતીને સંસદમાં પહોંચ્યા હતા.