શ્રદ્ધાંજલિ / 20 વર્ષ પહેલા રડ્યું હતું આખુ દમણ! બ્રિજ તૂટતા પાણીમાં ખાબકેલી બસમાં થયા હતા 28 બાળકોના મોત

• દમણની બ્રિજ દૂર્ધટનાના આજે 20 વર્ષ પૂર્ણ
• 28 બાળકો અને એક શિક્ષકનું થયા હતું મૃત્યું
• દમણવાસીઓ માટે આજનો દિવસ કાળો દિવસ સમાન

આજથી 20 વર્ષ પૂર્વે 28મી ઓગસ્ટના દિવસે નાની દમણ અને મોટી દમણને જોડતો બ્રિજ ભારે પુરના કારણે ધરાશાઇ થયો હતો. જેમાં 28 બાળકો સાથે એક શિક્ષકનું કરુણ મોત નિપજતા  સમગ્ર પંથક હચમચી ગયો હતો. ત્યારે આજે દમણ પ્રશાસન દ્વારા મૃતક વિદ્યાર્થીઓને શ્રદ્ધાંજલિ આપી ચિલ્ડ્રન મેમોરિયલ ગાર્ડનનું લોકાર્પણ કરવામાં આવ્યું હતું.

નાની દમણ અને મોટી દમણને જોડતો બ્રિજ જામીનદોસ્ત થયો હતો
28મી ઓગસ્ટ દમણ માટે એક કાળો દિવસ તરીકે સાબિત થયો હતો. આ કાળા દિવસને દમણવાસીઑ ક્યારેય નહીં ભૂલી શકે. ૨૦ વર્ષ પહેલાં આજના દિવસે એટલે કે 28 ઓગસ્ટના દિવસે દમણનો નાની દમણ અને મોટી દમણને જોડતો બ્રિજ જામીનદોસ્ત થયો હતો.આ કુદરતી હોનારતમાં 28 બાળકો સાથે એક શિક્ષકને કાળ ભેટી ગયો હતો. દમણને હજમચાવી નાખનાર આ ઘટનાથી જેતે સમયે હાહાકાર મચી ગયો હતો. ત્યારબાદ દમણ પીડબ્લ્યુડી દ્વારા બનાવેલ આ બ્રિજ દમણ ગંગા નદીમાં ભારે પુર આવવાથી ધરાસાઈ થતાં આ ઘટનામાં મોટી ખાના ખરાબી થઈ હતી .જેથી દમણ કમિટી દ્વારા પી ડબ્લ્યુડીના ઇજનેર સહિત અધિકારીઓ સામે કેસ કરવામાં આવ્યો હતો અને આ મામલો બહુ લાંબા સમય સુધી ચાલ્યો હતો.

જવાબદારોને કડક સજા ન થતાં પરિવારજનોમાં રોષ  
ત્યારબાદ તાજેતરમાં દોષિત ઇજનેરોને સજા પણ ફટકારવામાં આવી છે. આ મામલે દમણ પ્રશાસન દ્વારા મૃતક વિદ્યાર્થીઓને શ્રદ્ધાંજલિ આપવા સદભાવના કાર્યક્રમનું આયોજન કરવામાં આવ્યું હતું જેમાં પ્રશાસક પ્રફુલ પટેલ સહિત અનેક અધિકારીઓ તેમજ કમિટીના સભ્યો અને પોતાના વહાલસોયા બાળકો ગુમાવનાર પરિવારની હાજરીમાં ચિલ્ડ્રન મેમોરિયલ ગાર્ડનનું લોકાર્પણ કરવામાં આવ્યું હતું. આ તકે તમામ ધર્મના લોકોએ સાથે મળીને મૃતક બાળકોને આત્માને શાંતિ મળે એ પ્રાથના કરી હતી. ત્યારે મૃતક પરિજનોએ આજે પણ યોગ્ય ન્યાય ન મળવાની વાત કરી હતી જે તે સમયે pwd ના અધિકારીઓએ જે ગંભીર ચૂક કરી હતી જેના કારણે આ સમગ્ર ઘટના બની હતી તે લોકોને સજા તો મળી છે પરંતુ તેઓ આજે પણ જામીન પર બહાર હોવાથી પરિવારમાં રોષની લાગણી જોવા મળી રહી છે.