કાર્યવાહી / અમદાવાદીઓ ઍલર્ટ! શહેરમાં એક જ મહિનાની અંદર 1442 વાહનો કરાયા જપ્ત, જાણો કેટલાં લાખનો દંડ વસૂલાયો

• અમદાવાદમાં ટ્રાફિક નિયમ તોડનારાઓ સાવધાન
• 'તથ્ય કાંડ' બાદ અમદાવાદ ટ્રાફિક પોલીસ એક્શનમાં
• એક જ મહિનાની અંદર 1,442 વાહનો કરાયા જપ્ત

અમદાવાદ ઇસ્કોન બ્રિજ અકસ્માત કેસ બાદ હવે પોલીસ તંત્ર કડક કાર્યવાહી કરી રહ્યો છે. શહેરના અનેક વિસ્તારોમાં પોલીસ દ્વારા ડ્રાઈવનું આયોજન કરી દંડની વસૂલાત કરવામાં આવી રહી છે. આ દરમિયાન સમાચાર સામે આવ્યા છે કે, પોલીસ દ્વારા માત્ર એક મહિનામાં 1442 વાહન ચાલકો પાસેથી 47.60 લાખનો દંડ વસૂલવામાં આવ્યો છે.

અમદાવાદમાં વિવિધ વિસ્તારમાં પોલીસ દ્વારા ડ્રાઇવ યોજી વાહનચાલકોને દંડ કરવાની સાથે અનેક વાહન જપ્ત કરવામાં આવી રહ્યા છે. જોકે શહેરના પશ્ચિમ વિસ્તારમાં સૌથી વધુ વાહનચાલકો સામે કેસ કરવામાં આવ્યા હતા. જોકે અલગ-અલગ ગુનાઓ નોંધી અનેક વાહનો પણ પોલીસ દ્વારા જપ્ત કરવામાં આવ્યા હતા. આ સાથે હજી પણ જપ્ત કરેલ વાહનચાલક સામે RTO દ્વારા કાર્યવાહી કરવામાં આવી રહી છે.

1 મહિના RTOમાં 1,442 વાહન જપ્ત
વિગતો મુજબ 21 જુલાઈથી 20 ઓગસ્ટ સુધી 1 મહિના દરમિયાન RTOમાં 1,442 વાહન જપ્ત કરવામાં આવ્યા હતા. આ જપ્ત કરેલા વાહનચાલકો પાસેથી 47,60,157 રૂપિયા દંડ વસૂલવામાં આવ્યો છે. ઇસ્કોન બ્રિજ અકસ્માત બાદ 1 મહિનામાં કેસ કરીને 47 લાખથી વધુની રિકવરી કરવામાં આવી છે. મહત્વનું છે કે, હજી અત્યારે RTOની કામગીરી 24 કલાક ચાલુ જ છે.