સુવિધા / અમદાવાદીઓ માટે ગુડ ન્યૂઝ: શહેરના નિકોલ-સિંધુ ભવન સહિતના વિસ્તારોમાં શરૂ કરાશે 12 ઇલેક્ટ્રિક વ્હીકલ ચાર્જિંગ સ્ટેશન

• અમદાવાદમાં ઈલેક્ટ્રિક વાહન ચાલકો માટે ખુશ ખબર
• શહેરમાં વધુ 12 ઈલેક્ટ્રિક વાહન ચાર્જિગ સ્ટેશન બનશે
• શહેરમાં 3 ઈલેક્ટ્રિક ચાર્જિગ સ્ટેશન ઝડપથી કાર્યરત થશે
• સિંધુભવન રોડ, પ્રહલાદનગર ગાર્ડન પાસે બનશે ચાર્જિંગ સ્ટેશન

Electric Vehicle Charging Station : અમદાવાદમાં ઈલેક્ટ્રિક વાહન ચાલકો માટે મોટા સમાચાર સામે આવ્યા છે. વાત જાણે એમ છે કે, અમદાવાદ શહેરમાં વધુ 12 ઈલેક્ટ્રિક વાહન ચાર્જિગ સ્ટેશન બનશે. આ સાથે શહેરમાં 3 ઈલેક્ટ્રક ચાર્જિગ સ્ટેશન ઝડપથી કાર્યરત થશે. મળતી માહિતી પ્રમાણે અમદાવાદ મ્યુનિસિપલ કોર્પોરેશન તંત્ર દ્વારા આગામી મહિને આ તમામ ચાર્જિંગ સ્ટેશનનું લોકાર્પણ કરવામાં આવશે.

કેન્દ્રની મોદી સરકાર અને ગુજરાત સરકાર દ્વારા ઇલેક્ટ્રિક વ્હીકલને પ્રોત્સાહન આપવા નવી EV પોલીસી તૈયાર કરવામાં આવી છે. આ તરફ આ પોલીસીને લઈ હવે ગુજરાત સહિત દેશભરમાં ઇલેક્ટ્રિક વાહનોમાં વધારો થઈ રહ્યો છે. આ દરમિયાન હવે ઇલેક્ટ્રિક વાહનોના ચાર્જિંગ માટે અમદાવાદ શહેરમાં મ્યુનિસિપલ કોર્પોરેશન તંત્ર દ્વારા PPP ધોરણે 12 જગ્યાએ ચાર્જિંગ સ્ટેશન બનાવવામાં આવ્યા છે. અહેવાલો મુજબ અત્યાર સુધી 9 ચાર્જિંગ સ્ટેશન બનીને તૈયાર થઈ ગયા છે જ્યારે બાકીના 3 આગામી દિવસોમાં ઝડપથી બનીને તૈયાર થઈ જશે. 

ક્યાં બનશે ચાર્જિંગ સ્ટેશન

• સિંધુભવન રોડ પર મલ્ટી લેવલ પાર્કિંગ
• નરોડા હરિદર્શન ક્રોસ રોડ
• કાંકરિયા મલ્ટીલેવલ પાર્કિંગ
• પ્રહલાદનગર ગાર્ડન પાસેના મલ્ટી લેવલ પાર્કિંગ
• ઇસનપુર ગોવિંદવાડી સર્કલ
• ગુજરાત વિદ્યાપીઠ પાસે ઈન્કમટેક્સ ફ્લાય ઓવરબ્રિજ
• નિકોલ-નરોડા રોડ રોઝ વેલી સ્કાય પાસે
• નારોલ ફ્લાયઓવર બ્રિજ નીચે
• CTM ફ્લાયઓવર બ્રિજ નીચે
• ચાંદખેડામાં ન્યુ CG રોડ
• મોટેરામાં કોટેશ્વર રોડ
• બાપુનગર ફ્લાયઓવર બ્રિજ નીચે