BIG NEWS / ગુજરાત પાસે મધદરિયે જહાજ પર થયેલ હુમલામાં કોનો હાથ? અમેરિકાના પેન્ટાગને કર્યો મોટો ખુલાસો

• પોરબંદર દરિયા કિનારે વેપારી જહાજ પર એક શંકાસ્પદ ડ્રોન હુમલો
• કેમિકલ ટેન્કર પર ડ્રોન હુમલો કરવામાં આવ્યોનો યુએસ ડિફેન્સનો દાવો
• ભારતીય દરિયાકાંઠાથી 200 નોટિકલ માઈલ દૂર ડ્રોન હુમલો કરાયો

શનિવારે એટલે કે, 23 ડિસેમ્બરના રોજ હિંદ મહાસાગરમાં લગભગ 217 નોટિકલ માઈલ દૂર પોરબંદર દરિયા કિનારે વેપારી જહાજ પર એક શંકાસ્પદ ડ્રોનનો હુમલો થયો હતો. આ અંગે યુએસ ડિફેન્સ ડિપાર્ટમેન્ટે દાવો કર્યો છે કે જે કેમિકલ ટેન્કર પર ડ્રોન હુમલો કરવામાં આવ્યો હતો તે ઈરાનથી લોન્ચ કરવામાં આવ્યું હતું. આ મામલે પેન્ટાગનના પ્રવક્તા દ્વારા એક નિવેદન પણ બહાર પાડવામાં આવ્યું છે.

 ભારતીય દરિયાકાંઠાથી 200 નોટિકલ માઈલ દૂર હુમલો
રોયટર્સ મુજબ પેન્ટાગનએ કહ્યું કે, લાઇબેરિયન ધ્વજ ધરાવતું જાપાન-માલિકીનું અને નેધરલેન્ડ સંચાલિત કેમ પ્લુટો હિંદ મહાસાગરમાં સ્થાનિક સમય મુજબ સવારે 10 વાગ્યે ઈરાનના એકપક્ષીય હુમલાને પગલે હિંદ મહાસાગરમાં ધસી આવ્યું હતું પેન્ટાગોને જણાવ્યું કે, રોઇટર્સ અનુસાર ભારતીય દરિયાકાંઠાથી 200 નોટિકલ માઈલ દૂર ડ્રોન હુમલો કરવામાં આવ્યો હતો. 

સાતમો ઈરાની હુમલો
પેન્ટાગોનના નિવેદનમાં એમ પણ કહેવામાં આવ્યું છે કે, 2021 પછી કોમર્શિયલ જહાજ પર આ સાતમો ઈરાની હુમલો છે. આ ઘટના ત્યારે બની છે જ્યારે ઈરાન સમર્થિત હુથી બળવાખોરોએ ઈઝરાયેલ-હમાસ સંઘર્ષ વચ્ચે લાલ સમુદ્રમાં જહાજો પર હુમલા તેજ કર્યા છે.