WORLD CUP 2023 / વર્લ્ડકપ ફાઇનલ: એરફોર્સે અમદાવાદમાં કર્યું રિહર્સલ, કોહલી-રોહિતને જોવા હોટલની બહાર ભારે ભીડ, સ્ટેડિયમ પાસે ટીશર્ટોનું ધૂમ વેચાણ: જુઓ કેવો છે માહોલ

• વર્લ્ડ કપની ફાઈનલ મેચ અમદાવાદ ખાતે રવિવારે રમાશે
• ભારત-ઓસ્ટ્રેલિયા વચ્ચે રમાશે ફાઈનલ મેચ
• ફાઈનલ મેચને લઈ દર્શકો ટિકિટ લેવા સ્ટેડિયમ ખાતે ઉમટ્યા

અમદાવાદમાં રવિવારે ક્રિકેટ વર્લ્ડકપની ફાઈનલ મેચને રમાવાની છે. નરેન્દ્ર મોદી ક્રિકેટ સ્ટેડિયમ ખાતે ભારત-ઓસ્ટ્રેલિયા વચ્ચે ફાઈનલ મેચને લઈ તમામ તૈયારીઓ પૂર્ણ કરી દીધી છે. ITC  નર્મદા હોટલ ખાતે ક્રિકેટ ટીમ ઈન્ડિયા માટે ક્રિકેટ રસિકોનો જમાવડો જામ્યો છે. હોટલની બહાર મોટી સંખ્યામાં ક્રિકેટ પ્રેમીઓ ઉમટ્યા હતા. ટૂંક સમયમાં ક્રિકેટ ટીમ સ્ટેડિયમ ખાતે રવાના થશે. દૂર દૂરથી ચાહકો ITC  નર્મદા હોટલ ખાતે પહોંચ્યા હતા. 

IAFની સૂર્યકિરણ ટીમ બતાવશે કરતબો
અમદાવાદમાં રવિવારે ક્રિકેટ વર્લ્ડ કપની ફાઈનલ મેચ પહેલા IAF  સૂર્ય કિરણ ટીમ કરતબો દેખાડશે. એરફોર્સની ટીમ સૂર્ય કિરણ એરોબેટિક ટીમ 4 એરક્રાફ્ટથી કરતબો બતાવશે. ફાઈનલ મેચ પહેલા 10 મિનીટ કરતબ બતાવશે. તેમજ આજે અને આવતીકાલે સૂર્યકિરણની ટીમ દ્વારા સ્ટેડિયમ ઉપર રિહર્સલ પણ કરવામાં આવશે. 

ફાઈનલની ટિકિટ ન મળતા લોકોમાં નિરાશા
રવિવારે અમદાવાદનાં નરેન્દ્ર મોદી સ્ટેડિયમ ખાતે ભારત-ઓસ્ટ્રેલિયા વચ્ચે રમાનાર ફાઈનલ મેચને લઈ લોકોમાં અનેકો ઉત્સાહ જોવા મળી રહ્યો છે. ત્યારે રવિવારે રમાનાર મેચને લઈ દેશભરમાંથી લોકો સ્ટેડિયમ પહોંચી રહ્યા છે. ફાઈનલ મેચની ટિકિટ ન મળતા અન્ય રાજ્યોમાંતી આવેલા લોકોમાં નિરાશા વ્યાપી જવા પામી હતી. નાગપુર, પૂણે, ચંડીગઢ શહેરથી ફાઈનલ જોવા આવેલા લોકોને ટિકિટ ન મળતા લોકો નિરાશ જોવા મળી રહ્યા હતા. કેટલાક ક્રિકેટરસિયાઓ ટિકિટ ન મળતા સ્ટેડિમની બહાર જ ફોટા પડાવી સંતોષ માની રહ્યા છે.  

સ્ટેડિયમ બહાર બંને ટીમોની જર્સી અને ટોપીનું ધૂમ વેચાણ
વર્લ્ડ કપ 2023 ની ફાઈનલ મેચ તા. 19 ને રવિવારનાં રોજ અમદાવાદનાં નરેન્દ્ર મોદી સ્ટેડિયમ ખાતે યોજાવાની છે. ટીમ ઈન્ડિયા વિશ્વકપમાં જીતનાં ઈરાદે મેદાનમાં ઉતરશે. સ્ટેડિયમ પહાર બંને ટીમોની જર્સી અને ટોપીનું ધૂમ વેચાણ થઈ રહ્યુ છે. ફાઈનલ મેચની ટિકિટોને લઈ દર્શકોને મથામણ કરવી પડી રહી છે. કેટલાક લોકો ટિકિટની આશાએ સ્ટેડિયમ ખાતે પહોંચી રહ્યા છે.