World Cup 2023 / વર્લ્ડકપ ટ્રોફી વિવાદમાં વધી મિશેલ માર્શની મુશ્કેલી! મામલો પહોંચ્યો પોલીસ સ્ટેશન, FIR દાખલ

• માર્શ વિરુદ્ધ ઉત્તર પ્રદેશના અલીગઢમાં FIR નોંધવામાં આવી છે
• માર્શે ભારતીય ક્રિકેટ ટીમના ચાહકોની ભાવનાઓને ઠેસ પંહોચાડી છે 
• ઓસ્ટ્રેલિયન ખેલાડીને ભારતમાં ક્રિકેટ રમવાની મંજૂરી ન આપવાની માંગ 

ઓસ્ટ્રેલિયાએ વર્લ્ડ કપ 2023ની ફાઇનલમાં ભારતને હરાવીને છઠ્ઠી વખત વર્લ્ડ કપનો ખિતાબ જીત્યો. આ પછી ઓસ્ટ્રેલિયન ઓલરાઉન્ડર મિશેલ માર્શની વર્લ્ડ કપ ટ્રોફી સાથેની એક તસવીર સોશિયલ મીડિયા પર વાયરલ થઈ હતી. વાસ્તવમાં આ ફોટોમાં મિશેલ માર્શ વર્લ્ડ કપની ટ્રોફી પોતાના પગ નીચે રાખતો જોવા મળ્યો હતો. જે બાદ તેને ક્રિકેટ ફેન્સ દ્વારા ઘણો ટ્રોલ કરવામાં આવ્યો હતો, આ મામલો હજુ પણ સમાપ્ત થતો નથી.

Mitchell Marsh finds himself entangled in controversy following an FIR lodged against him in Aligarh, Uttar Pradesh.https://t.co/Sjcyttp4zH

— CricTracker (@Cricketracker) November 24, 2023

ઓસ્ટ્રેલિયાના ઓલરાઉન્ડરની મુશ્કેલીઓ વધી શકે છે. વાસ્તવમાં, ઉત્તર પ્રદેશના એક RTI કાર્યકર્તાએ મિશેલ માર્શ વિરુદ્ધ FIR નોંધાવી છે. તેમાં કહેવામાં આવ્યું છે કે મિશેલ માર્શે જે રીતે વિશ્વ કપની ટ્રોફી પોતાના પગ નીચે રાખી હતી તેનાથી ભારતીય પ્રશંસકોની ભાવનાઓને ઠેસ પહોંચી હતી. 

RTI કાર્યકર્તા પંડિત કેશવની ફરિયાદ બાદ FIR દાખલ કરવામાં આવી છે, જેમણે આરોપ લગાવ્યો હતો કે વર્લ્ડ કપ ટ્રોફી પર પગ મૂકવાની માર્શની કાર્યવાહીથી ભારતીય ક્રિકેટ ટીમના ચાહકોની ભાવનાઓને ઠેસ પહોંચી છે. સાથે જ પંડિત કેશવે ફરિયાદની નકલ વડા પ્રધાનને મોકલી હતી અને નરેન્દ્ર મોદીઅને વિનંતી કરી હતી કે ઓસ્ટ્રેલિયાના ખેલાડીઓને ભારતમાં ક્રિકેટ રમવાની મંજૂરી ન આપવી જોઈએ.

🅽🅴🆆🆂:

Shocking but not shocking at the same time : 🤔😜🤣

An FIR has been lodged against Australian cricketer Mitchell Marsh in Aligarh, U.P., India because he dropped his feet on World Cup Trophy. 🏆 pic.twitter.com/ciLswhncPv

— Nadeem Saiyed (@nadeem_saiyed) November 24, 2023

એ વાત તો નોંધનીય છે કે વર્લ્ડ કપ 2023ની ફાઈનલ મેચ ભારત અને ઓસ્ટ્રેલિયા વચ્ચે રમાઈ હતી. ઓસ્ટ્રેલિયાએ ભારતને હરાવીને ટ્રોફી જીતી હતી. આ જીત બાદ ઓસ્ટ્રેલિયન ખેલાડીઓ ઉજવણીમાં ડૂબી ગયા હતા. તેના સેલિબ્રેશનની ઘણી તસવીરો સોશિયલ મીડિયા પર સામે આવી છે.તે જ સમયે, ઓસ્ટ્રેલિયન ઓલરાઉન્ડર મિશેલ માર્શનો એક ફોટો પણ સોશિયલ મીડિયા પર વાયરલ થયો હતો જેમાં તે વર્લ્ડ કપ ટ્રોફી પર પગ સાથે ફોટો માટે પોઝ આપતો જોવા મળે છે. જે બાદ આ અંગે ભારે હોબાળો થયો હતો. ભારતીય પ્રશંસકોએ પણ મિશેલ માર્શને આ અંગે ખૂબ ટ્રોલ કર્યા હતા. હવે તેની સામે એફઆઈઆર નોંધવામાં આવી છે.