- ભારતે સાઉથ આફ્રિકા સામે 243 રનથી જીત મેળવી
- લાઈવ સ્ટ્રીમિંગનો નવો રેકોર્ડ
- સૌથી વધુ વ્યૂઅર્સ નોંધાયા
ભારત અને સાઉથ આફ્રિકા વચ્ચે ગઈકાલે રમાયેલી મેચમાં લાઈવ સ્ટ્રીમિંગનો નવો રેકોર્ડ બની ગયો છે. ડિઝની+હોટસ્ટાર પર 4.4 કરોડ દર્શકોએ કોલકાતાના ઈડન ગાર્ડનમાં ભારત અને સાઉથ આફ્રિકા વચ્ચે રમાયેલ મેચ જોઈ હતી. ભારત બેટિંગ કરી રહ્યું હતું ત્યારે 4.4 કરોડ દર્શકો એકસાથે ડિઝની+હોટસ્ટાર પર લાઇવ મેચ જોઈ રહ્યા હતા.
લાઈવ સ્ટ્રીમિંગનો નવો રેકોર્ડ બન્યા પછી Disney+Hotstarએ દર્શકોનો આભાર વ્યક્ત કર્યો હતો. 22 ઓક્ટોબરે ભારત અને ન્યુઝીલેન્ડ વચ્ચે મેચ રમાઈ હતી, ત્યારે Disney+Hotstar પર 4.3 કરોડ દર્શકોએ લાઈવ મેચ જોઈ હતી. અગાઉ Disney+Hotstar પર 3.5 કરોડ દર્શકોએ ભારત અને પાકિસ્તાન વચ્ચે રમાયેલ મેચ લાઈવ જોઈ હતી.
ડિજિટલ ઈન્ડિયા કા કમાલ
પ્રોદ્યોગિકી મંત્રી અશ્વિની વૈષ્ણવે સ્ટ્રીમિંગ રેકોર્ડ અને વિરાટ કોહલીના રેકોર્ડ પર ખુશી વ્યક્ત કરી હતી. અશ્વિની વૈષ્ણવે સોશિયલ મીડિયા હેન્ડલ એક્સ પર લખ્યું હતું કે, વિરાટની સદી અને 4.4 કરોડ દર્શકો. #DigitalIndia નો કમાલ.
ICC વન વર્લ્ડ કપ 2023ની 37મી મેચ ભારત અને દક્ષિણ આફ્રિકા વચ્ચે રમાઈ હતી. જેમાં ભારતે 243 રનથી જીત મેળવી હતી. આ મેચમાં કોહલીએ શાનદાર સદી ફટકારી છે. આંતરરાષ્ટ્રીય વન ડે મેચમાં કોહલીએ 49મી સદી ફટકારી હતી. આ મેચમાં સદી ફટકારીને કોહલીએ મહાન ક્રિકેટર સચિન તેંડુલકરની 49મી ODI સદીના વર્લ્ડ રેકોર્ડની બરાબરી કરી લીધી છે. સચિન તેંડુલકરે પણ વન ડે આંતરરાષ્ટ્રીય મેચમાં 49 સદી ફટકારી છે.
વિરાટ કોહલીએ તેના 35માં જન્મદિવસે વન ડે આંતરરાષ્ટ્રીય મેચમાં 49 સદી ફટકારી છે. વર્લ્ડ કપ 2023માં ભારતે અત્યાર સુધી રમાયેલ તમામ 8 મેચમાં જીત મેળવી છે. ભારત સેમિફાઈનલ માટે ક્વોલિફાય કરનાર પહેલી ટીમ છે. ભારતીય ટીમ પોઈન્ટ ટેબલમાં ટોપ પર છે. ભારત આગામી મેચ નેધરલેન્ડ સામે રમશે અને આ મેચ 12 નવેમ્બરના રોજ રમવામાં આવશે.
