- આવતીકાલે ભારત અને ન્યુઝીલેન્ડની ટીમો સામસામે ટકરાશે
- વર્લ્ડ કપ 2019માં ન્યુઝીલેન્ડે ટીમ ઈન્ડિયાને માત આપી હતી
- રોહિત શર્મા માટે ન્યુઝીલેન્ડ સામેની સેમીફાઈનલમાં બેવડો પડકાર
બુધવાર 15 નવેમ્બરે મુંબઈના વાનખેડે સ્ટેડિયમમાં ICC ક્રિકેટ વર્લ્ડ કપ 2023ની સેમીફાઈનલમાં ભારત અને ન્યુઝીલેન્ડ સામસામે ટકરાશે. ટીમ ઈન્ડિયાએ લીગ તબક્કામાં 9માંથી 9 મેચ જીતી છે અને ટીમ અજેય રહી છે. બીજી તરફ, ન્યૂઝીલેન્ડે લીગ તબક્કામાં રમાયેલી 9 મેચમાંથી 5માં જીત મેળવી હતી જ્યારે 4માં હારનો સામનો કરવો પડ્યો હતો.
આવતીકાલે ભારત અને ન્યુઝીલેન્ડની ટીમો સામસામે ટકરાશે
એવામાં હવે ટીમ ઈન્ડિયાના ચાહકો આશા રાખશે કે ભારત સેમિફાઈનલમાં ન્યુઝીલેન્ડ સામે જીત નોંધાવે અને 2019 વર્લ્ડ કપ સેમીફાઈનલમાં મળેલી હારનો બદલો લઈ લે. આ સેમીફાઈનલ મુંબઈના વાનખેડે સ્ટેડિયમમાં રમાશે, જેમાં ભારત અને ન્યુઝીલેન્ડની ટીમો સામસામે ટકરાશે. જ્યારે બીજી સેમિફાઇનલ સાઉથ આફ્રિકા અને ઓસ્ટ્રેલિયા વચ્ચે 16 નવેમ્બરે કોલકાતાના ઈડન ગાર્ડન્સમાં રમાશે. એવામાં બંને સેમિફાઇનલ માટે અમ્પાયરોની જાહેરાત કરવામાં આવી છે, જેના કારણે ભારતીય કેપ્ટન રોહિત શર્મા માટે પડકાર વધી ગયો છે.
વર્લ્ડ કપ 2019માં ન્યુઝીલેન્ડે ટીમ ઈન્ડિયાને માત આપી હતી
વાત એમ છે કે વર્લ્ડ કપ 2019ની છેલ્લી સેમિફાઇનલમાં ભારતીય ટીમને ન્યુઝીલેન્ડની ટીમે હાર આપી હતી. જેમાં રિચાર્ડ ઇલિંગવર્થ, રિચાર્ડ કેટલબોરો ફીલ્ડ અને રોડ ટકર એ મેચમાં અમ્પાયર હતા. અને આ વખતે પણ તે જ અમ્પાયર જોવા મળશે.
રોહિત માટે સેમીફાઈનલમાં બેવડો પડકાર
આ વખતે પણ રોડ ટકર રિચર્ડ ઇલિંગવર્થની સાથે ફિલ્ડ અમ્પાયરની ભૂમિકામાં જોવા મળશે. આવી સ્થિતિમાં રોહિત માટે આ બેવડો પડકાર હશે. જ્યારે જોએલ વિલ્સન થર્ડ અમ્પાયરની ભૂમિકામાં હશે. એડ્રિયન હોલ્ડસ્ટોક ચોથા અમ્પાયર અને એન્ડી પાયક્રોફ્ટ મેચ રેફરી હશે.
ચાહકો ઈચ્છે તો પણ તે મેચને ભૂલી શકતા નથી
ઇલિંગવર્થ ભારત અને ન્યુઝીલેન્ડ વચ્ચે 2019 વર્લ્ડ કપ સેમિફાઇનલમાં ઓન-ફીલ્ડ અમ્પાયર હતા. આ મેચ બે દિવસ ચાલી હતી અને ન્યુઝીલેન્ડે 18 રનથી જીતી હતી. આ રીતે ભારતીય ક્રિકેટ ચાહકો એ જ 2019માં રમાયેલ મેચને યાદ કરી રહ્યા છે. ચાહકો ઈચ્છે તો પણ તે મેચને ભૂલી શકતા નથી, જે એમએસ ધોનીની છેલ્લી મેચ સાબિત થઈ હતી.
આ રીતે વર્લ્ડ કપ 2023ની સેમીફાઈનલમાં દુશ્મન ટીમ અને અમ્પાયર એ જ છે, બસ આ વખતે સ્ટેડીયમ બીજું હશે.
