શ્રેયસ ઐયરની કેપ્ટન્સી અને મેન્ટર ગૌતમ ગંભીરના નેતૃત્વમાં કોલકાતા નાઈટ રાઈડર્સની ટીમે આઈપીએલ 2024માં ધૂમ મચાવી દીધી છે. કોલકાતાએ બુધવારે દિલ્હી કેપિટલ્સ સામેની મેચમાં રેકોર્ડ જીત નોંધાવી હતી. આ સાથે KKRએ જીતની હેટ્રિક નોંધાવી અને પોઈન્ટ ટેબલમાં ટોચ પર પહોંચી ગઈ. આઈપીએલની આ સિઝનમાં કોલકાતાની ટીમના પ્રદર્શન માટે ગૌતમ ગંભીરના ખૂબ વખાણ થઈ રહ્યા છે. સોશિયલ મીડિયા પર લોકો ગૌતમ ગંભીરના આ શાનદાર પ્રદર્શનનો શ્રેય આપી રહ્યા છે. દરમિયાન શ્રેયસ અય્યર અને ગૌતમ ગંભીર વચ્ચે એક ખાસ કનેક્શન સામે આવ્યું છે. આ જોઈને લાગે છે કે KKR ત્રીજી વખત ટ્રોફી જીતી શકે છે. તો ચાલો જાણીએ શું છે આ ખાસ કનેક્શન?
ગંભીરે KKR માટે 2 IPL ટાઇટલ જીત્યા છે
કોલકાતા નાઈટ રાઈડર્સ ટીમ અત્યાર સુધીમાં બે વખત (2012, 2014) આઈપીએલ ટાઈટલ જીતી ચૂકી છે. ગૌતમ ગંભીરની કેપ્ટન્સીમાં આ ટીમે બંને વખત આ સિદ્ધિ મેળવી છે. 2012માં કેકેઆરની કમાન સંભાળતા પહેલા ગંભીર દિલ્હી કેપિટલ્સ સાથે હતો. 2010માં દિલ્હીની ટીમ પ્લે-ઓફ માટે ક્વોલિફાય કરી શકી ન હતી. આ પછી, ગંભીરને ટીમમાંથી છુટો કરવામાં આવ્યો અને 2011ની મેગા ઓક્શનમાં તે કોલકાતાની સાથે સિઝનના સૌથી મોંઘા ખેલાડી તરીકે ઉભરી આવ્યો. કોલકાતાએ 14.9 કરોડ રૂપિયાની બોલી લગાવી અને તેને પોતાની ટીમમાં સામેલ કર્યો. આ પછી તરત જ ગંભીરને ટીમનો કેપ્ટન પણ બનાવવામાં આવ્યો હતો અને ગંભીર બીજી સિઝનમાં કોલકાતા તરફથી રમતા KKRને તેનું પ્રથમ IPL ટાઇટલ જીત્યું. હવે આવો જ ઘટનાક્રમ શ્રેયસ ઐયર સાથે જોવા મળ્યો છે. જે બાદ એવું કહેવામાં આવી રહ્યું છે કે કોલકાતા આ વખતે ફરીથી IPL ટ્રોફી જીતી શકે છે.
ગંભીર અને ઐયરનું કનેક્શન
ગૌતમ ગંભીરની જેમ શ્રેયસ અય્યર પણ કોલકાતા તરફથી રમતા પહેલા દિલ્હી તરફથી રમ્યો હતો. જ્યારે ગંભીરે 2018માં દિલ્હીની કેપ્ટનશીપ છોડી ત્યારે અય્યરને કેપ્ટન બનાવવામાં આવ્યો હતો. તેણે 2021 સુધી દિલ્હી તરફથી રમવાનું ચાલુ રાખ્યું. દિલ્હીની ટીમે તેને 2022માં મુક્ત કર્યો હતો. આ પછી ગંભીરની જેમ અય્યર પણ મેગા ઓક્શનમાં ગયો, જ્યાં તેના પૂર્વ કેપ્ટનની જેમ તે કોલકાતા માટે સૌથી મોંઘો ખેલાડી બન્યો. આ સાથે તેને IPL 2022 સિઝનના ત્રણ સૌથી મોંઘા ખેલાડીઓમાં પણ સામેલ કરવામાં આવ્યો હતો. KKRએ 12.25 કરોડ રૂપિયાની બોલી લગાવીને ઐયરને ટીમમાં સામેલ કર્યો હતો. ગંભીરની જેમ તેને તરત જ ટીમનો કેપ્ટન બનાવવામાં આવ્યો અને ઐયર પણ કોલકાતા તરફથી રમતા તેની પ્રથમ સિઝનમાં પ્લે-ઓફ માટે ટીમને ક્વોલિફાય કરી શક્યો નહીં.
વધુ વાંચો : રેકોર્ડતોડ બોલર મયંક યાદવને તાત્કાલિક ટીમ ઈન્ડિયામાં સિલેક્ટ કરો... LSG ના ફાસ્ટ બોલરને લાગશે લોટરી?
શ્રેયસ અય્યર હવે કોલકાતા માટે તેની બીજી સીઝન રમી રહ્યો છે. કારણ કે 2023માં તે ઈજાના કારણે આખી સિઝન માટે બહાર હતો. બીજી સિઝનમાં કેકેઆરની ટીમે અત્યાર સુધી જે પ્રકારનો ખેલ બતાવ્યો છે. તે જોતા ટીમને IPL ટાઇટલની પ્રબળ દાવેદાર માનવામાં આવી રહી છે. આવી સ્થિતિમાં એ જોવાનું રહેશે કે શું અય્યર તેની બીજી સિઝનમાં તે જ કારનામું કરી શકે છે કે કેમ કે ગંભીરે તેની બીજી સિઝનમાં KKR માટે IPLનો ખિતાબ જીત્યો હતો.
VTV Gujarati Newsની તમામ અપડેટ સૌથી પહેલા મેળવવા માટે અમારી WhatsApp ચેનલ ફોલો કરો
