ન્યાયિક / પતિ રાતે મોડો ઘેર પહોંચતો હોય તો પત્નીને શંકા કરવાનો હક, ક્રૂરતા ન ગણાય-હાઈકોર્ટનો ચુકાદો

• પતિ રાતે મોડો ઘેર આવતો હોય તો પત્નીની શંકા ગણાય ક્રૂરતા?
• છત્તીસગઢ હાઈકોર્ટે જાહેર કર્યો મોટો ચુકાદો 
• પતિ રાતે મોડો ઘેર પહોંચતો હોય તો પત્નીને શંકા કરવાનો હક

ક્રૂરતા છૂટાછેડા માટે એક મજબૂત આધાર છે. પરંતુ શું ઘણી વાર રાતે મોડા ઘેર આવનાર પતિ પર પત્નીની શંકા ક્રૂરતા છે. શંકાના આવા એક કેસમાં પતિ ઘણીવાર મોડી રાત્રે ઘરે પહોંચતો હતો, જેના કારણે પત્નીને તેના પર અન્ય સ્ત્રી સાથે અફેર હોવાની શંકા થવા લાગી હતી. તો બીજી બાજુ પત્ની ફોન પર કોઈની સાથે વાત કરતી હોય તો પણ પતિને શંકા થવા લાગી. મામલો ફેમિલી કોર્ટમાં પહોંચ્યો હતો. પતિએ ક્રૂરતાના આધારે છૂટાછેડા માટે પરવાનગી માંગી હતી. ફેમિલી કોર્ટે પત્નીની શંકાને પતિ પ્રત્યેની ક્રૂરતા ગણીને છૂટાછેડા મંજૂર કર્યા હતા. આ નિર્ણયને મહિલાએ હાઈકોર્ટમાં પડકાર્યો હતો, જેણે પત્નીની શંકાને સામાન્ય ગણાવીને ક્રૂરતા ગણવાનો ઈન્કાર કર્યો હતો.

Wife doubting her husband for coming home late frequently is not cruelty: Chhattisgarh High Court

Read more here: https://t.co/DtpfyqZ26M pic.twitter.com/WXrBeAP5kH

— Bar & Bench (@barandbench) October 28, 2023

છત્તીસગઢ હાઈકોર્ટે શું ચુકાદો આપ્યો 
છત્તીસગઢ હાઈકોર્ટે તાજેતરના આદેશમાં કહ્યું કે આવી સ્થિતિમાં પત્ની પર શંકા કરવી એ 'સામાન્ય માનવીય વર્તન' છે, ક્રૂરતા નથી. જસ્ટિસ ગૌતમ ભંડારા અને જસ્ટિસ દીપક કુમાર તિવારીની ડિવિઝન બેન્ચે 16 ઑક્ટોબરે આપેલા પોતાના આદેશમાં કહ્યું, 'આ સામાન્ય માનવીય વર્તન છે. જો પતિ ઘણીવાર મોડી રાત્રે આવે તો પત્નીના મનમાં શંકા જન્મે છે અને આવી સ્થિતિમાં જો આવી શંકા વ્યક્ત કરવામાં આવે તો તેને ક્રૂરતા ન કહી શકાય. કેસની સુનાવણી દરમિયાન એ વાત સામે આવી હતી કે પતિ ઘણીવાર મોડી રાત્રે ઘરે આવતો હતો. ઘણી વખત તે ક્યાંક બહાર રહેતો અને ક્યારેય ઘરે આવતો. હાઈકોર્ટે કહ્યું કે જો પતિએ આ પ્રકારનું વર્તન ન કર્યું હોત અથવા તેના વર્તન માટે વાજબી ખુલાસો કર્યો હોત તો પત્નીને શંકા ન હોત.
પતિ તરફથી એવી દલીલ કરવામાં આવી હતી કે તે રાજકીય પ્રવૃતિ સાથે સંકળાયેલો છે અને તેથી તે ઘરે મોડો પહોંચે છે. તેની પત્ની તેના ચારિત્ર્ય પર શંકા કરીને ક્રૂર બની રહી છે.

પતિ-પત્ની એકબીજા પર વિશ્વાસ રાખે 
હાઈકોર્ટની ખંડપીઠે કહ્યું કે પતિ-પત્ની બંનેએ એકબીજા પર વિશ્વાસ કરવો જોઈએ. પતિની ગતિવિધિઓએ શંકાને જન્મ આપ્યો છે. એવું ન કહી શકાય કે પતિ પર લગાવવામાં આવેલા આરોપ સંપૂર્ણપણે ખોટા છે. પતિના અસામાન્ય અને અસ્પષ્ટ વર્તનને કારણે આ આરોપો લગાવવામાં આવ્યા છે. બેન્ચે એમ પણ કહ્યું કે પતિએ બદલામાં પત્ની પર શંકા કરવાનું શરૂ કર્યું કારણ કે તેણીએ તેના ભાઈના મિત્રો સાથે વાત કરી હતી.