વર્લ્ડ કપ / સેમી ફાઈનલમાં ભારત સામે કોણ આવશે? લગભગ નક્કી, અઘરી શરતે પાકિસ્તાન આવી શકે પણ તે અશક્ય

• શ્રીલંકા પર ન્યુઝીલેન્ડની જીતથી પાકિસ્તાનનું સેમી ફાઈનલમાં આવવું અઘરું બન્યું 
• હવે એક જ શરતે પાકિસ્તાન સેમીમાં આવી શકે તે પણ ખૂબ અઘરી 
• પાકિસ્તાન ઈંગ્લેન્ડને 287 જેટલા મોટા રનથી હાર આપે તો જ સેમીમાં આવી શકે 

શ્રીલંકા પર ન્યુઝીલેન્ડની જીતથી સેમી ફાઈનલમાં આવવાનું પાકિસ્તાનનું સપનું ચકનાચૂર થયું છે. પાકિસ્તાન હવે શનિવારે ઈંગ્લેન્ડને 287 જેટલા મોટા રનથી હરાવે તો જ તે સેમી ફાઈનલમાં આવી શકે છે. ક્રિકેટના નિષ્ણાંતના જણાવ્યા પ્રમાણે પાકિસ્તાન જેવી ટીમ માટે હરીફ ટીમને 287 જેટલા મોટા રનથી હરાવવું અઘરું છે. 

ભારત અને ન્યુઝીલેન્ડ સેમી ફાઈનલમાં ટકરાય તે લગભગ નક્કી 
પાકિસ્તાન શનિવારે ઈંગ્લેન્ડને 287 જેટલા મોટા રનથી હરાવે તો જ તે સેમીમાં આવી શકે નહીંતર નહીં આવી સ્થિતિમાં ન્યુઝીલેન્ડ અને ભારતનો સેમી ફાઈનલનો મુકાબલો થાય તે લગભગ નક્કી છે. 

પોઈન્ટ ટેબલમાં ન્યુઝીલેન્ડ ચોથા નંબરે 
શ્રીલંકા જીતની સાથે ન્યુઝીલેન્ડ પોઈન્ટ ટેબલમાં ચોથા નંબરે આવ્યું છે. હાલ પૂરતી તો સેમી ફાઈનલમાં તેની એન્ટ્રી થઈ ગઈ છે. સાચી ખબર પાકિસ્તાનની ઈંગ્લેન્ડ સામેની મેચ બાદ પડશે પણ સેમીમાં તેની એન્ટ્રી પાકી જ છે. 

15 નવેમ્બરે મુંબઈના વાનખેડે સ્ટેડિયમમાં પહેલી સેમી ફાઈનલ 
15 નવેમ્બરે મુંબઈના વાનખેડે સ્ટેડિયમમાં વર્લ્ડ કપની પહેલી સેમી ફાઈનલ રમાશે. પહેલી સેમીફાઈનલ માટે એક ટીમ નક્કી છે અને તે ભારત છે બીજી ટીમ પણ લગભગ નક્કી છે અને ફાઈનલ શનિવારે ખબર પડી જશે. 

અફઘાનિસ્તાનની ટીમ પણ લગભગ આઉટ 
અફઘાનિસ્તાને પણ તેની આખરી મેચમાં સાઉથ આફ્રિકાને મોટા અંતરથી હરાવવું પડશે પરંતુ તેના જેવી નાની ટીમને આફ્રિકા જેવી ટીમને હરાવવું શક્ય નથી. આવી સ્થિતિમાં ન્યૂઝીલેન્ડનો દાવો ઘણો મજબૂત છે.

ટોપ-4માં કઈ કઈ ટીમ 
શ્રીલંકા જીતની સાથે ન્યુઝીલેન્ડ પોઈન્ટ ટેબલમાં ચોથા નંબરે આવ્યું છે. 5 જીત સાથે ન્યૂઝીલેન્ડના 10 પોઈન્ટ છે. પહેલા નંબરે ભારત (16), બીજા નંબરે સાઉથ આફ્રિકા (12) ત્રીજા નંબરે ઓસ્ટ્રેલિયા (10) અને ચોથા નંબરે ન્યુઝીલેન્ડ (10) પોઈન્ટ છે.