અટકળો / રાજકોટના નવા પોલીસ કમિશ્નર કોણ? આ પાંચ નામો ચર્ચામાં સૌથી મોખરે

• રાજકોટ પોલીસના કમિશનકાંડ મામલે 
• તપાસ અધિકારીએ સરકારને સોંપ્યો રિપોર્ટ
• રાજકોટમાં નવા CPની નિમણૂક અંગે શરૂ થઈ ચર્ચાઓ

રાજકોટમાં પોલીસ કમિશનર મનોજ અગ્રવાલ સામે કરાયેલા કમિશન કાંડ મામલે 200 પાનાનો રિપોર્ટ તપાસ અધિકારી વિકાસ સહાયે સરકારને સોપ્યો છે. બંધ કવરમાં સરકારને સોંપાયેલા રિપોર્ટ સસ્પેન્સ યથાવત છે. જોકે, હજી સુધી રાજકોટ પોલીસ કમિશનર વિરૂદ્ધ કોઈ ખાતાકીય કાર્યવાહી કરવામાં આવી નથી. તેની વચ્ચે રાજકોટના નવા પોલીસ કમિશનર  ચર્ચાનો દોર શરૂ થયો છે. 
 
રાજકોટમાં નવા પોલીસ કમિશનરની નિમણૂક અંગે શરૂ થઈ ચર્ચાઓ

તમામ ઘટનાક્રમ વચ્ચે રાજકોટના નવા પોલીસ કમિશનર કોણ તે અંગે ચર્ચાનો દોર શરૂ થયો છે. ત્યારે રાજકોટના નવા પોલીસ પોલીસ કમિશનર તરીકે નિરજા ગોતરું, રાજકુમાર પાંડિયન, રાજુ ભાર્ગવ, અનિલ પ્રથમ અને સુભાષ ત્રિવેદીનું નામ ચર્ચામાં આવ્યું છે.

કમિશનર તોડકાંડનો રિપોર્ટ ડીજીપીને સોંપાયો

ઉલ્લેખનીય છે કે, રાજકોટ પોલીસ કમિશનર તોડકાંડનો રિપોર્ટ વિકાસ સહાયે ડીજીપીને સોંપ્યો છે. જેમાં 200 પાન છે. આ સાથે સખીયા બંધુ સહતિ 14 લોકોના નિવેદનો નોંધવામાં આવ્યા છે. તેમજ કેટલાક પુરાવા પણ ધ્યાનમાં લીધા છે. આ રીપોર્ટ ડીજીપી આશિષ ભાટિયા ગૃહ વિભાગને સોંપશે. જેના આધારે આગામી દિવસોમાં કાર્યવાહી કરવામાં આવશે.