Car scrapping policy:જ્યારે તમે કોઇ કાર ખરીદો છો તો તેના માટે તમે ખૂબ જ પૈસા ખર્ચ કરો છો. કાર ખરીદવાથી લઇને તેને ચલાવવાના નિયમો અને તેને લગતા જરૂરી કાગડો હંમેશા સાથે રાખવા પડે છે. નહીં તો મસ્ટ મોટું ચલણ ટ્રાફિક વિભાગ તરફથી મળે છે. એટલું જ નહીં જો તમારી ગાડી 15 વર્ષ જૂની હોય તો તેને તમે રસ્તા પર ચલાવી શકતા નથી. અને જો રસ્તા પર તમે આવી કાર ચલાવો છો તો પકડાઇ જવા પર ટ્રાફિક વિભાગ દ્વારા વાહન જપ્ત કરવા સહિતની દંડાત્મક કાર્યવાહી થાય છે. ત્યારે હવે તમને વિચાર આવશે કે આટલી જૂની કારનું કરવું શું? તો જાણી લો પંદર વર્ષ જૂની કારને સ્ક્રેપ કરવાથી તમને શું ફાયદો થઇ શકે છે.
શું છે સ્ક્રેપ પોલિસી?
જ્યારે કાર 15 વર્ષ જૂની થઇ જાય છે. તો તે સ્કેપ થઇ જાય છે. અને આ સમગ્ર પ્રક્રિયાને જ સ્ક્રેપ પોલીસી કહેવામાં આવે છે. સરકાર તરફથી અનેક સ્ક્રેપર્સને આ અંગે લાયસન્સ આપવામાં આવ્યા છે. તમારા વિસ્તારના સ્ક્રેપર વિશે તમારે જાણવું હોય તો સત્તવાર વેબસાઇટ ttps://vscrap.parivahan.gov.in/vehiclescrap/vahan/rvsfdetails.xhtml પર જઇને માહિતી મેળવી શકો છે. બાદમાં ગાડી સ્ક્રેપ્ટ થયા બાદ તમને ડિપોઝિટ સર્ટિફિકેટ આપવામાં આવે છે. જેનાથી તમને અનેક ફાયદા પ્રાપ્ત થાય છે.
વધુ વાંચોઃ મકાન ખરીદવા જોઇએ છે હોમ લોન? તો અપનાવો આ ટિપ્સ, બેંક ના નહીં પાડે
શું થાય છે ફાયદો ?
જે લોકો પોતાની ગાડીને સ્કેપ કરાવે છે. તેમને રાજ્યમાં નવી ગાડી ખરીદવા પર રોડ ટેક્સમાં રાહત મળે છે. ટ્રાન્સપોર્ટ ગાડીઓને 15 ટકા અને નોન ટ્રાન્સપોર્ટ ગાડીઓને 25 ટકા સુધીની છૂટ મળે છે. ગાડીને સ્ક્રેપ કરવા પર નવી ગાડીની એક્સ શોરૂમ કિંમત પર 4થી 6 ટકા સુધીની છૂટ મળે છે. આ સાથે જ જૂની ગાડી સ્ક્રેપ કરવા પર તમને જે ડિપોઝિટ સર્ટિફિકેટ મળે છે. તે નવી ગાડીની ખરીદી સમયે આપવાથી નવી ગાડીની રજિસ્ટ્રેશન ફી પણ માફ થઇ જાય છે.
VTV Gujarati Newsની તમામ અપડેટ સૌથી પહેલા મેળવવા માટે અમારી WhatsApp ચેનલ ફોલો કરો
