તમારા કામનું / જે બેંકમાં એકાઉન્ટ છે એ બેંક બંધ થઈ તો તમારા પૈસાનું શું થશે? કેટલા અને કેવી રીતે પૈસા પાછા મળશે, જાણો

• બેંક ક્યારેક ડૂબી જાય કે બંધ થઈ જાય તો તેમાં પડેલ પૈસાનું શું થશે? 
• આવી સ્થિતિમાં  5 લાખ કે તેનાથી નીચેની રકમ બેંકમાં સુરક્ષિત માનવામાં આવે

આજકાલ દરેક લોકોનું બેંક એકાઉન્ટ હોય છે અને એ જરૂરી પણ બની ગયું છે, વધુ પડતાં લોકોની સેલેરી બેંક ખાતામાં આવે છે અને આ સિવાય ઘણા લોકો એમના પૈસા પણ બેંકમાં સાચવીને રાખે છે. ઘણા લોકો એમની બચત બેંકમાં રાખે છે. આ સિવાય બેંક ફક્ત પૈસા રાખવાની જ નહીં પણ બીજી ઘણી સુવિધા પણ આપે છે. ઘણી એવી સ્કીમ આપે છે જેમાં રોકાણ કરીને સારું રિટર્ન પણ મળે છે પણ શું તમે ક્યારેય વિચાર્યું છે કે જો તમારી બેંક ક્યારેક ડૂબી જાય કે કોઈ કારણોસર બંધ થઈ જાય તો એવી સ્થિતિમા તેમાં પડેલ તમારા પૈસાનું શું થાય છે? આજે અમે તમને એ વિશે જણાવવા જઈ રહ્યા છીએ. 

શું છે નિયમ? 
જો તમારું કોઈ બેંકમાં એકાઉન્ટ છે અને એ એકાઉન્ટમાં 5 લાખ રૂપિયા જમા પડ્યા હોય અને એવામાં અચાનક બેંક ડૂબી ગઈ તો તમારા એ પૈસાનું શું થશે? જણાવી દઈએ કે નિયમો અનુસાર આવી સ્થિતિમાં 5 લાખ રૂપિયા મળી રહે છે એટલે કે 5 લાખ કે તેનાથી નીચેની રકમ બેંકમાં સુરક્ષિત માનવામાં આવે છે. 

હવે આ વાંચીને વિચાર આવ્યો હશે કે જો બેંકમાં 5 લાખ કરતાં વધુ પૈસા જમા પડ્યા હોય તો શું તમારે નુકશાન ભોગવવું પડશે? એ સમયે એમ સમજવું જરૂરી છે કે સરકાર પણ તેના માટે પગલાં ઉઠાવી રહી છે કે કેવી રીતે લોકોની મહેનતની કમાણી ન બગડે. આવી સ્થિતિમાં સરકાર એવું પગલું ઉઠાવે છે કે કોઈ પણ બેંક ડૂબવાની હોય ત્યારે આરબીઆઇની મદદથી સરકાર એ બેંકને બીજી કોઈ એક મોટી બેંકમાં વિલય કરી દે છે અને એમ કરવાથી લોકોણઆ પૈસા ડૂબતાં બચી જાય છે. 

આ સિવાય જ્યારે કોઈ બેંક ડૂબવાની હોય છે કે એવી સ્થિતિમાં આવી જાય છે ત્યારે ડીઆઈસીજીસી બેંક એ ખાતા ધારકોના પૈસા ચૂકવવાની જવાબદારી ઉઠાવી લે છે અને એ બેંક પાસેથી તે પ્રીમિયમ લે છે.