ખેડા / 'કલ્પેશને બમણી લીડથી જીતાડીશું', ભાજપમાં જોડાયા બાદ માતર MLA કેસરીસિંહ સોલંકીનો લલકાર

• કેસરીસિંહ સોલંકીની ભાજપમાં ફરી ઘર વાપસી
• મંત્રી દેવુસિુંહ ચૌહાણ અને ગોરધન ઝડફિયાની હાજરીમા કર્યો કેસરીયો
• હું જીત્યો તેનાથી બમણી લીડથી કલ્પેશ પરમારને જીતાવસુ :કેસરીસિંહ સોલંકી 

ખેડા જિલ્લાની માતરના કેસરીસિંહ સોલંકી aapમાં જોડાયા બાદ આજે ફરી ભાજપમાં ઘર વાપસી કરી છે.  આ દરમિયાન મંત્રી દેવુસિુંહ ચૌહાણ અને ગોરધન ઝડફિયાની હાજરીમા કેસરીસિંહ સોલંકીએ કેસરીયો કર્યો હતો.  જે વેળાએ માતરના ઉમેદવાર કલ્પેશ પરમારનું  કેસરીસિંહે શાનદાર સ્વાગત કર્યું હતું. વધુમાં કલ્પેશ પરમારને જીતાવવા કાર્યકરોને આહવાન પણ કર્યું હતું. એટલુ જ નહિ હું જીત્યો તેનાથી બમણી લીડથી કલ્પેશ પરમારને જીતાવસુ તેમ જણાવી કેસરીસિંહ સોલંકીએ કાર્યકરોનો જોમ-જુસ્સો વધાર્યો હતો.  
 

 AAP જોઇન કર્યાના 48 જ કલાકમાં નેતાનું મન બદલાયું  
માતરથી ધારાસભ્ય કેસરીસિંહ સોલંકી બે દિવસ અગાઉ આમ આદમી પાર્ટીમાં જોડાયા હતા. જેનું AAP જોઇન કર્યાના 48 જ કલાકમાં મન બદલાયું હોય તેમ ફરી ધારાસભ્ય કેસરીસિંહ સોલંકીએ ભાજપનો ભગવો ધારણ કરી લીધો હતો. જેને લઇને રાજકીય વર્તુળોમાં તરહ-તરહની ચર્ચા જાગી છે.  માતરથી ટિકિટ કપાતા કેસરીસિંહ નારાજ હતા. ભાજપે કલ્પેશ પરમારને ટિકિટ આપતા નારાજગીને પગલે તેઓ AAPમાં જોડાયા હતા.  ત્યાંરબાદઆ AAPમાંથી મહિપતસિંહ ચૌહાણને ઉમેદવાર જાહેર કરાયા છે. મહત્વનું છે કે કેસરીસિંહ 2017માં માતરથી ચૂંટણી જીત્યા હતા.કેસરીસિંહે કોંગ્રેસના ઉમેદવાર સંજય પટેલને હરાવ્યા હતા. વધુમાં પાવાગઢમાં દારૂની મહેફિલ માણવા અને જુગાર રમવા મુદ્દે ઝડપાયા હતા. જે કેસ ચાલી જતાં  કોર્ટે કેસરીસિંહને બે વર્ષની સજા પણ ફટકારી હતી.

ફરી કેસરીસિંહ સોલંકી ભાજપમાં જોડાયા
કેસરીસિંહે BJP નેતાઓ સાથેના ફોટો સોશિયલ મીડિયામાં શેર કર્યા છે. ઉલ્લેખનીય છે કે, કેસરીસિંહ ભાજપમાં 2 ટર્મથી માતરમાં ધારાસભ્ય રહી ચૂક્યા છે.  જેમણે આપ નેતા ગોપાલ ઈટાલિયાની હાજરીમાં AAPનો ખેસ ધારણ કર્યો હતો. ત્યારબાદ ફરી કેસરીસિંહ સોલંકી ભાજપમાં જોડાયા છે.