મોરબી / '2 વર્ષથી ધક્કા ખવડાવો છો', નેતાજીને જોઈ આગેવાનોએ પ્રશ્નોનું પોટલું ખોલ્યું, અમૃતિયાએ ચાલતી પકડી

નેતાઓ કેટલું કામ કરે છે તે જનતા બરોબર જાણે છે. અને મોકો આવ્યો નેતાને બતાવી પણ દે છે. આવું જ કાંઈક મોરબીમાં થયું. જ્યાં ધારાસભ્ય એક સામાજિક કાર્યક્રમમાં વોટ માગવા પહોંચ્યા. પરંતુ એક આગેવાને સ્ટેજ પરથી એવી પોલ ખોલી કે, ધારાસભ્યને ઉભા થઈને માઈક છીનવવા દોડવું પડ્યું.

મોરબીમાં ધારાસભ્યને આગેવાનોના સીધા સવાલ

ભાઈ નેતાજી પર વસંત ભારે પડ્યો એટલે પટાવવા લાગી ગયા. ઘટના મોરબીમાં બની હતી. જ્યાં સતવારા સમાજ દ્વારા શક્તિધામ ખાતે ત્રિદિવસીય ધાર્મિક મહોત્સવની ઉજવણી કરવામાં આવી રહી છે. અહીં ધારાસભ્ય કાંતિલાલ અમૃતિયા અને કચ્છ-મોરબી લોકસભા બેઠકના ઉમેદવાર વિનોદ ચાવડાએ હાજરી આપી હતી. આ કાર્યક્રમ દરમિયાન સતવારા સમાજના આગેવાનોએ વાળી વિસ્તારના વિવિધ પ્રશ્નો નેતાઓની સામે જ ઉઠાવ્યા અને પછી તો ભાઈ સ્ટેજ પર જ જોવા જેવી થઈ ગઈ.

વધુ જવાબ ન આપી શકતા નેતાજીએ ચાલતી પકડી

જોકે આટલી વાત સમાજના આગેવાને કરી ત્યાંતો ખુરશી પરથી ઉભા થઈને કાંતિ અમૃતિયા આગેવાન પાસે પહોંચી ગયા અને માઈક છીનવી ચૂંટણીના નામે કામના ગુણગાન ગાવા માંડ્યા. આટલું ઓછું હોય તેમ અન્ય એક આગેવાન સ્ટેજ પર ચડી આવ્યા અને તેમણે તો ધારાસભ્યનો ચોખ્ખું મોઢા પર તમે છેલ્લા 30 વર્ષથી ધક્કા ખવડાવો છો.

વાંચવા જેવું: 'નારાજગી હોય તો કોંગ્રેસને મત કેમ?' જામનગરમાં ક્ષત્રિયોની નારાજગી પર PM મોદીનું આડકતરું સૂચન

અહીં એકવાત સાબીત થઈ ગઈ કે, નેતાજી ભાષણો કરે છે. કામ નહીં ત્યારે જ તો જનતાને ખુલ્લા મંચ પરથી બોલવું પડે છે. મહત્વનું છે કે, મોરબીમાં વર્ષોથી ભાજપનું એકહથ્થું સાશન છે. કાંતિલાલ અમૃતિયા 2017ની વિધાનસભા ચૂંટણી હારી ગયા હતા. જોકે 2022માં ભાજપે ફરી ટિકિટ આપી અને ધારાસભ્ય બન્યા છે. પરંતુ જનતાએ જ્યારે કામને લઈને સવાલો કર્યા તો વધુ કાંઈ ન હોલતા સ્ટેજ પરથી ચાલતી પકડી હતી.