બનાસકાંઠા / 'અમારે ચિકી નહીં મોહનથાળ જોઈએ, પરંપરા તૂટવી ન જોઈએ...' અંબાજીના ભક્તો થયા નારાજ, કરણીસેના પણ આવી મેદાનમાં

• યાત્રાધામ અંબાજીમાં પ્રસાદીને લઈ વિવાદ વધુ વકર્યો
• મહાપ્રસાદ મોહનથાળ ફરી શરૂ કરવાની કરણી સેનાની માંગણી
• મોહનથાળનો પ્રસાદ બંધ કરાતા દૂર દૂરથી આવતા ભક્તો નારાજ
• મોહનથાળ પ્રસાદ જલ્દી ચાલુ કરવા ભક્તોની માંગ

યાત્રાધામ અંબાજીમાં પ્રસાદીને લઈ વિવાદ વધુ વકર્યો છે. ત્યારે મોહનથાળ બંધ કરાવવા મામલે કરણી સેનાએ પણ વિરોધ વ્યક્ત કર્યો છે. અંબાજીમાં વર્ષો જૂની પરંપરા પ્રમાણે મોહનથાળનો જ પ્રસાદ ચાલુ રાખવાની માંગ કરવામાં આવી છે.  મહાપ્રસાદ મોહનથાળ ફરી શરૂ કરવાની કરણી સેના દ્વારા માંગણી કરવામાં આવી છે. સરકાર આ મામલે યોગ્ય નિર્ણય કરે તેવી પણ માંગ કરવામાં આવી હતી.

મોહનથાળનો પ્રસાદ બંધ કરાતા દૂર દૂરથી આવતા ભક્તો નારાજ
અંબાજીમાં મોહનથાળનો પ્રસાદ બંધ કરતા ભક્તોમાં રોષ જોવા મળી રહ્યો છે. રવિવાર અને હોળીના પર્વને લઈ દર્શન માટે ભક્તો ઉમટી પડ્યા હતા. ત્યારે ભક્તો દ્વારા મોહનથાળ પ્રસાદ ચાલુ રાખવાની ભક્તોની માંગ છે. વર્ષો જૂની પરંપરા મુજબ મોહનથાળ પ્રસાદ ચાલુ રાખવા માંગ કરાઈ હતી. મોહનથાળનો પ્રસાદ બંધ કરાતા દૂર દૂરથી આવતા ભક્તો નારાજ થયા છે.

હિત રક્ષા સમિતિનું અલ્ટીમેટમ પણ પૂર્ણ થઈ રહ્યું 
યાત્રાધામ અંબાજી ખાતે મોહનથાળ ની પ્રસાદીને બંદ કરીને 48 કલાક જેટલો સમય થઇ ગયો છે ત્યારે આજે હિત રક્ષા સમિતિનું અલ્ટીમેટમ પણ પૂર્ણ થઈ રહ્યું છે. તો બીજી તરફ ચાચર ચોકમાં આવતા માઇભક્તો પણ પ્રસાદ બંધ થતા ખુબ જ રોષ દાખવી રહ્યા છે અને ચીક્કી બંદ કરીને ફરીથી મોહનથાળ નો પ્રસાદ શરૂ કરવા માંગ કરી છે.
ભક્તો દ્વારા સત્વરે મોહનથાળનો પ્રસાદ શરૂ કરવા માંગ
ગુજરાત ના મોખરાના યાતરધામનો પ્રસાદ બંદ કરી ચીક્કીને પ્રસાદનું નામ આપી દેવસ્થાન ટ્રસ્ટ લોકોની ભાવનાને દુભાઈ રહ્યું છે  અને ભક્તો સત્વરે આ મોહનથાળને શરૂ કરવા માંગ કરી રહ્યા છે.