મેઘાડંબર / અસારવા, બાપુનગર, સરસપુર સહિત અમદાવાદના આ વિસ્તારોમાં પાણીમાં ભરાવો, AMCનો પ્રિ-મોન્સુન પ્લાન નાપાસ, જુઓ તસવીરો

• અમદાવાદમાં વહેલી સવારથી વરસાદી માહોલ 
• શહેરના તમામ વિસ્તારોમાં વરસી રહ્યો છે વરસાદ
• નીચાણવાળા વિસ્તારોમાં ભરાયો પાણી

અમદાવાદ શહેરમાં ગત રાત્રીથી વરસાદી માહોલ જામ્યો છે. શહેરના લગભગ તમામ વિસ્તારમાં વરસાદ વરસ્યો છે. કેટલાક વિસ્તારમાં ધોધમાર તો કેટલાક વિસ્તારમાં ધીમીધારે વરસાદ ખાબક્યો છે. શહેરના અસારવા, પ્રગતીનગર, સેટેલાઈટ તથા AEC જેવા વિસ્તારોમાં પાણી ભરાવાની સમસ્યા પણ જોવા મળી છે. વરસાદને કારણે શિવરંજની બ્રિજ પાસે વરસાદી પાણી ભરાયા હતા. થોડા જ વરસાદમાં પાણી ભરાતા લોકો પરેશાનીનો સામનો કરવો પડી રહ્યો છે. તો વરસાદના લીધે સાબરમતી નદીના વાસણા બેરેજના 4 દરવાજા ખોલાયા હતા. શહેરના કેટલાક વિસ્તારમાં વૃક્ષ ધરાશાયી થવાની ઘટના બની હતી. શહેરના S.G હાઈવે પર પણ ધોધમાર વરસાદ વરસ્યો હતો. આગામી 3 દિવસ હજુ પણ વરસાદ વરસવાની હવામાન વિભાગે આગાહી કરીછે.

અસારવામાં ગોઠણડૂબ પાણી ભરાયા
અમદાવાદમાં ભારે વરસાદથી શહેરમાં પાણી પાણી થઈ ગયું છે. શહેરના તમામ વિસ્તારોમાં વરસાદી પાણી ભરાયા છે. અસારવા વિસ્તારમાં ગોઠણડૂબ પાણી ભરાયા છે. 

પ્રગતિનગરમાં પાણી જ પાણી
અમદાવાદમાં વહેલી સવારથી ધોધમાર વરસાદ પગલે નીચાણવાળા વિસ્તારોમાં પાણી ભરાયા છે. પાણી ભરાવાના કારણે વાહન ચાલકોને મુશ્કેલીનો સામનો કરવો પડી રહ્યો છે. પ્રગતિનગર વિસ્તારમાં પાણી ભરાયા છે. 

 સત્યાગ્રહ સોસાયટીમાં પાણી ભરાયા
સેટેલાઈટની સત્યાગ્રહ સોસાયટીમાં પાણી ભરાયા છે, પાણી ભરાવાની સમસ્યાના લીધે સ્થાનિકો પરેશાની ભોગવી રહ્યાં છે.

વાહન ચાલકો પરેશાન
AEC ચાર રસ્તા પાસે પાણી ભરાતા વાહન ચાલકો પરેશાન થઈ રહ્યાં છે. વાહનચાલકોએ બળાપો કાઢતા કહ્યું કે, દર વર્ષે આ જ સ્થિતિ હોય છે.  તંત્ર અહીં ધ્યાન નથી આપતું

પાણી ભરાતા લોકો મુશ્કેલીમાં મુકયા
શિવરંજની બ્રિજ પાસે થોડા જ વરસાદમાં પાણી ભરાતા લોકો મુશ્કેલીમાં મુકયા છે, સ્થાનિક લોકોએ જણાવ્યું કે, દર વખતે આ જ સમસ્યા થાય છે, વરસાદમાં અમદાવાદીઓ હેરાન પરેશાન થાય છે