હેલ્થ ટિપ્સ / હૃદય સંબંધિત બીમારીઓથી લઇને અનેક રોગોમાં 'અખરોટ' છે રામબાણ ઇલાજ, વિવિધ પોષક તત્વોથી છે ભરપૂર

• અખરોટમાં ઓમેગા-૩ ફેટી એસિડ હોય છે
• અખરોટને સામાન્ય રીતે બ્રેઈન ફૂડ પણ કહેવાય છે
• અખરોટના સેવનથી હૃદયની બીમારીને ઘણી હદ સુધી ટાળી શકાય

આમ તો દરેક સૂકોમેવો એટલે કે ડ્રાય ફ્રૂટ આરોગ્ય માટે ફાયદારૂપ છે, પરંતુ અખરોટની વાત જ કંઈક નિરાળી છે. અખરોટમાં ફાઇબર, વિટા‌િમન-બી, મેગ્નેશિયમ અને એ‌િન્ટ ઓક્સિડન્ટ ભરપૂર માત્રામાં હોય છે. તે વાળ અને ત્વચાને સ્વસ્થ રાખે છે. અખરોટમાં ઓમેગા-૩ ફેટી એસિડ હોય છે અને તે અસ્થમા-આર્થ્રાઇટિસ, ત્વચાની સમસ્યાઓ, એક્ઝિમા અને સોરાયસિસ જેવી બીમારીમાં સુરક્ષા પૂરી પાડે છે.

અખરોટ એક શ્રેષ્ઠ ડ્રાય ફ્રૂટઃ 
તેમાં એએલએ (અલ્ફા-લિનોલેનિક એસિડ) હોય છે, જે શરીર માટે ખૂબ જ ઉપયોગી તત્ત્વ છે. શાકાહારી લોકો માટે તે કુદરતનું વરદાન છે. અખરોટને સામાન્ય રીતે બ્રેઈન ફૂડ પણ કહેવાય છે, જે મગજના કોષોને સતેજ રાખે છે. અખરોટમાં રહેલું મેલાટોનિન નામનું તત્ત્વ વ્યક્તિને અનિદ્રાની સમસ્યાથી પણ બચાવે છે અને સારી ઊંઘની ભેટ પણ આપે છે. 

અખરોટથી હૃદયને રક્ષણઃ 
અખરોટના સેવનથી હૃદયની બીમારીને ઘણી હદ સુધી ટાળી શકાય છે. તે શરીરના કોલેસ્ટ્રોલ લેવલને ઓછું કરે છે, તેમાં રહેલ ઓમેગા-૩ ફેટી એસિડ પણ હૃદય સંબંધિત બીમારીથી બચાવે છે. અખરોટના નિયમિત સેવનથી આયુષ્યમાં પથી ૧૦ વર્ષનો વધારો થાય છે. 

ઊંઘ લાવવામાં મદદરૂપઃ 
અખરોટ ઊંઘ લાવવામાં બહુ લાભદાયક છે, તેમાંથી એક હોર્મોન નીકળે છે, જેનું નામ મેલાટોનિન હોય છે, જેનાથી આરામ મળે છે. સારી ઊંઘ મેળવવા માટે તે યોગ્ય પ્રમાણમાં મેલાટોનિન ‌રિલીઝ કરે છે.

હાડકાં થાય છે મજબૂતઃ 
અખરોટ ખાવાથી હાડકાં મજબૂત થાય છે, સાથે જ તે દાંત માટે પણ શ્રેષ્ઠ હોય છે. ડેન્ટિસ્ટ પણ સ્વસ્થ દાંત માટે રોજ અખરોટના સેવનની સલાહ આપે છે. અખરોટ વધારાની કેલરીને બાળે છે. દિવસમાં બે-ત્રણ અખરોટ ખાવાથી વજન ઘટી શકે છે.

મગજની નબળાઈ દૂર કરે: 
અખરોટનું નિયમિત સેવન કરવાથી ચક્કર, આંખનાં અંધારાં, સ્નાયુની નબળાઈ સાથે મગજની નબળાઈ પણ દૂર થાય છે.