મોટા સમાચાર / VMC જુનિયર ક્લાર્ક Exam: ફોર્મ રદ થયેલા ઉમેદવારોની ફી પરત કરાશે, જાણો કેટલા દિવસમાં રૂપિયા એકાઉન્ટમાં થશે જમા

• વડોદરા મહાનગરપાલિકાની જુનિયર ક્લાર્કની પરીક્ષાના ઉમેદવારો માટે નિર્ણય 
• જે ઉમેદવારોના ફોર્મ રદ થયા છે તેમને ફીના રૂપિયા પરત અપાશે 
• 9454 ઉમેદવારોના ફોર્મના રૂ.22 લાખ કરતા વધુની રકમ પરત કરવામાં આવશે 

વડોદરા મહાનગરપાલિકાની જુનિયર ક્લાર્કની પરીક્ષાના ઉમેદવારો માટે નિર્ણય લેવામાં આવ્યો છે. જેમાં ઘણા ઉમેદવારોના ફોર્મ રદ થયા છે. આવા ઉમેદવારો માટે મોટા સમાચાર સામે આવ્યા છે. હવે રદ થયેલ ફોર્મ બદલ ઉમેદવારને ફીના રૂપિયા પરત અપાવામાં આવશે. અલગ અલગ કારણોસર 9454 ઉમેદવારોના ફોર્મ રદ થયા છે. ત્યારે 9454 ઉમેદવારોના ફ્રી પેટે રૂ.22 લાખ કરતા વધુની રકમ પરત કરવામાં આવશે.

ઉમેદવારોના ખાતામાં 15 દિવસમાં રૂપિયા જમા થશે 

રદ થયેલા ઉમેદવારોના ખાતામાં 15 દિવસમાં રૂપિયા જમા થશે. આ માટે ઉમેદવારોએ નાણા પરત મેળવવા બેંકની વિગત આપવાની રહેશે. તેમ સત્તાવાર રીતે સામે આવ્યું છે. નોંધનીય છે કે જુનિયર ક્લાર્કની પરીક્ષા માટે 1 લાખ કરતા વધુ ઉમેદવારોએ ફોર્મ ભર્યા હતા.પાલિકાએ ઉમેદવારો માટે સંવેદનશીલ નિર્ણય કર્યો છે. જુનિયર ક્લાર્કની પરીક્ષા માટે 1,18,746 ફોર્મ ભરાતા કોર્પોરેશનને 2.63 કરોડની આવક થઈ છે. જેમાં બાકીની રકમ 15 દિવસમાં સીધા બેન્ક ખાતામાં રૂપિયા પરત આપી દેવામાં આવશે.