ભ્રષ્ટાચારનો વધુ એક નમૂનો / 'મેમો આવતો હશે 200નો? તમારું રાખીએ છીએ તોય તમે...', અમદાવાદના TRB જવાનનો કટકી કરતો Video વાયરલ

• અમદાવાદમાં TRB જવાનનો તોડ કરતો વીડિયો વાયરલ
• 2000થી 2500 નો દંડ આપવાનું કહીને કરે છે તોડ
• 200 રૂપિયાનો તોડ કરતા TRB જવાનનો વિડીયો વાયરલ
• વિડીયો વાયરલ થતા પોલીસે શરૂ કરી તપાસ

Ahmedabad TRB Jawan Viral Video : ગુજરાતમાં ફરી એકવાર TRB જવાનનો તોડ કરતો વિડીયો સામે આવ્યો છે. વાત જાણે એમ છે કે, અમદાવાદમાં TRB જવાન વાહનચાલકો પાસેથી પૈસાનો તોડ કરતો હોય તેવો વીડિયો વાયરલ થયો છે. આ વિડીયોમાં TRB જવાન વાહન ચાલક પાસેથી 2000થી 2500નો દંડ આપવાનું કહી 200 રૂપિયાનો તોડ કરતો હોવાનું દેખાઈ રહ્યું છે. જોકે આ વિડીયોની VTV ન્યૂઝ કોઈ પણ પ્રકારની પુષ્ટિ કરતું નથી. 

અમદાવાદમાં TRB જવાનનો તોડ કરતો વીડિયો વાયરલ થતાં ચકચાર મચી ગઈ છે. વિગતો મુજબ ભદ્ર કોર્ટથી વિક્ટોરિયા ગાર્ડન નજીક એક વાહન ચાલકને TRB જવાને રોક્યો હતો. જે બાદમાં TRB જવાને કથિત રીતે 2000થી 2500નો દંડ આપવાનું કહી 200 રૂપિયાનો તોડ કર્યો હોવાનો વિડીયો વાયરલ થઈ રહ્યો છે. જોકે વાહનચાલકે આ સમગ્ર ઘટના રેકોર્ડ કરી લેદાસદ તા હવે આ વિડીયો સોશિયલ મીડિયા પર વાયરલ થઈ રહ્યો છે. 

તોડ કરતો TRB જવાન કેમેરામાં કેદ
વાયરલ થયેલ વિડીયોમાં જોઇ શકાય છે કે, શરૂઆતમાં વાહનચાલક કહી રહ્યો છે કે, પેલું જોઇ લ્યો ને એક પણ મેમો પેન્ડિંગ છે ખરી ? આ તરફ TRB જવાન જવાબ આપે છે કે, ના નથી. આ પછી વાહનચાલક કહે છે કે, અત્યારે 200નો મેમો આપશો તમે ? એટલે TRB જવાન કહે છે 200નો મેમો ના આવે. એટલે વાહન ચાલક કહે છે કે, તો એમને એમ 200 રૂપિયા આપું ? એટલે TRB જવાન કહે છે કે, તમારે ઇન્સ્યુરન્સ નથી તેનો 2000નો મેમો હોય. આ દરમિયાન વાહનચાલક કહે છે કે, તમે 200 કીધું એટલે મને એમ કે, મેમો આપતા હતા. જે બાદમાં TRB જવાન વાહન ચાલક પાસેથી 200 રૂપિયા લેતા વિડીયોમાં જોઇ શકાય છે.