Ajab Gajab / VIDEO: રાજકોટની આ જગ્યાએ જતા ભલભલાના હાંજા ગગડી જાય છે..!

તમે પણ નાનપણમાં તમારી સ્કૂલ કબ્રસ્તાન પર બનેલી છે અથવા તો કોઈ ફલાણી ગલી કે ઘર પાસેથી રાત્રે પસાર નહીં થવાનું કે પછી તમારા કોઈ મિત્રના દાદા પાસે ભૂતે બીડી માંગીને પીધી હોય એવી ઘણી વાતો તમે સાંભળી હશે પણ શું તમને ખબર છે કે આપણાં રાજકોટમાં આવેલા એક રહસ્યમય હવેલી આવેલી છે જેને ત્યાંનાં ભૂતિયા હવેલી કહે છે.

આખી દુનિયામાં ઘણા એવા રહસ્યમય સ્થળો હોય છે જેને લોકો ભૂતિયા સ્થળો તરીકે ઓળખવા લાગે છે અને આપણા ગુજરાતમાં પણ ઘણા આવા રહસ્યમય સ્થળો આવેલા છે.. જેની લિસ્ટ ઘણી લાંબી છે. આ યાદીમાં રાજકોટના કાલાવડ રોડ પર આવેલો અવધ પેલેસ પણ સામેલ છે. અવધ પેલેસમાં ભૂત થાય તેવી વાતો ત્યાં રહેતાં લોકો કરતાં રહે છે અને ઘણા મડિયા રિપોર્ટ્સમાં પણ આ વાતનો ઉલ્લેખ થઈ ચૂક્યો છે, સાથે જ એમ પણ કહેવામાં આવે છે એક રાજકોટના કાલાવડ રોડ પર આવેલ આ હવેલી કોની છે તે આજ સુધી જાણી શકાયું નથી.

કહેવાય છે કે આ અવધ પેલેસમાં એક છોકરી સાથે દુષ્કર્મ ગુજારવામાં આવ્યો હતો અને ત્યારબાદ તેની હત્યા કરી સળગાવી દેવામાં આવી હતી. ત્યારથી તે યુવતીની આત્મા અહીં ભટકી રહે છે. આ હવેલીમાં અત્યાર સુધી કોઈ રહી શક્યું નથી પણ અહીંની દીવાલો પર ઘણા નામો અને ચિત્રો જોવા મળે છે.

વધુ વાંચો: Vatican City આ દેશમાં આજ સુધી કોઈ બાળકનો જન્મ નથી થયો

લોકો એવું પણ કહે છે કે અવધ બંગલો એક સમયની પ્રખ્યાત હોટલ હતી અને અહીં લોકો જમવા અને રહેવા આવતા હતા. પણ આજે અહીં એક ચકલી પણ ફરકતી નથી. આ હવેલી અત્યારે ખંઢેર બની ગઈ છે. કહેવાય છે કે કોઈપણ વ્યક્તિ સાંજ બાદ તો ત્યાં જવાની હિંમત પણ કરતો નથી.