હેરાનીભર્યું / 1998માં અચાનક ગુમ, 26 વર્ષ બાદ પડોશીના ઘરમાંથી મળ્યો, છોકરાએ કર્યાં ચોંકાવનારા ખુલાસાં

અલ્જીરિયામાંથી એક ચોંકાવનારો કિસ્સો સામે આવ્યો છે. અહીં 26 વર્ષ પહેલા અચાનક ગુમ થયેલો યુવક 26 વર્ષ બાદ મળી આવ્યો છે. આશ્ચર્યની વાત એ છે કે યુવક તેના પાડોશીના ઘરે મળી આવ્યો હતો. અલ્જેરિયાના ન્યાય મંત્રાલયે 15 મેના રોજ યુવકની શોધ અંગે માહિતી આપી હતી.

ગૃહયુદ્ધ દરમિયાન ગુમ

યુવકની ઓળખ ઓમર બી તરીકે થઈ છે અને તે અલ્જેરિયામાં ચાલી રહેલા ગૃહ યુદ્ધ દરમિયાન 1998માં 19 વર્ષની ઉંમરે ગાયબ થઈ ગયો હતો. પરિવારજનોએ તે સમયે તેની ઘણી શોધખોળ કરી હતી, પરંતુ કોઈ અત્તોપત્તો લાગ્યો નહોતો અને તેથી માની લીધું કે યુવકનું અપહરણ કરવામાં આવ્યું છે અથવા તેનું મોત થયું છે.

પડોશીએ 18 વર્ષ સુધી બંધક બનાવી રાખ્યો

જો કે, ઓમરના ભાઈએ સોશિયલ મીડિયા પર તેને શોધવાનું ચાલુ રાખ્યું અને સતત પ્રયત્નો કર્યા પછી, એક દિવસ અચાનક યુવક 'જેલ્ફા' શહેરમાં લગભગ 200 મીટર દૂર એક નિર્જન વિસ્તારમાં મળી આવ્યો. હવે 45 વર્ષનો ઉમરે જણાવ્યું કે તેને તેના પડોશીઓએ આટલા વર્ષો સુધી બંધક બનાવી રાખ્યો હતો.

સંમોહિત કરીને રખાયો એટલે કેદ રહ્યો

અલ્જેરીયન સરકારે કહ્યું કે 61 વર્ષીય આરોપી પાડોશીએ ભાગવાનો પ્રયાસ કર્યો હતો, પરંતુ તેની ધરપકડ કરવામાં આવી છે. ઉમરે મીડિયાને જણાવ્યું કે તેને બંધક બનાવનાર પડોશી પરિવારે તેને હિપ્નોટાઈઝ કર્યો હતો. તેથી, 26 વર્ષથી પડોશના ઘરમાં રહેતા હોવા છતાં, તે મદદ માટે ફોન કરી શક્યો નહીં.

વધુ વાંચો : આશિક કે હેવાન! ઘરમાં યુવતી શાંતિથી સૂઇ રહી હતી અને અચાનક પ્રેમીએ કર્યો ચાકુથી હુમલો, કિસ્સો કંપાવનારો

સરકારે જઘન્ય અપરાધ ગણાવ્યો

ન્યાય મંત્રાલયે તેને 'જઘન્ય અપરાધ' ગણાવ્યો છે અને યુવકને ડોક્ટરોની યોગ્ય દેખરેખ હેઠળ રાખવામાં આવ્યો છે. તેની શારીરિક અને માનસિક સ્થિતિ સુધારવાના પ્રયાસો કરવામાં આવી રહ્યા છે.