- વડોદરા મહાપાલિકાની જૂનિયર ક્લાર્કની પરીક્ષા જાહેર
- 8 ઓક્ટોબરે લેવાશે VMCની જૂનિયર ક્લાર્કની પરીક્ષા
- લાંબા સમયથી પરીક્ષા અંગે જોવાઇ રહી હતી રાહ
Vadodara Municipality Junior Clerk Exam : વડોદરા મહાપાલિકાની જૂનિયર ક્લાર્કની પરીક્ષાની તારીખ જાહેર કરવામાં આવી છે. 8 ઓક્ટોબરે વડોદરા મ્યુનિસિપલ કોર્પોરેશનની જૂનિયર ક્લાર્કની પરીક્ષા લેવામાં આવીશે. જે પરીક્ષાને લઈ ઉમેદવારો લાંબા સમયથી રાહ જોઇ રહ્યાં હતાં. અત્રે જણાવી દઈએ કે, આ પરીક્ષાનું આયોજન ગૌણ સેવા પસંદગી મંડળ દ્વારા જ કરવામાં આવ્યું છે.
ગૌણ સેવા પસંદગી મંડળ દ્રારા લેવાશે પરીક્ષા
ગુજરાત ગૌણ સેવા પસંદગી મંડળ ગાંધીનગર દ્વારા વડોદરા મહાનગરપાલિકાની જુનિયર કલાર્ક વર્ગ-03 સંવર્ગની કુલ 552 જગ્યાઓ ભરવા માટેની સ્પર્ધાત્મક લેખિત પરીક્ષાનું તા.08/10/2023ને રવિવારના રોજ આયોજન કરાયું છે. મંડળે એમ પણ જણાવ્યું છે કે, અનિવાર્ય કારણોસર મંડળ આ કાર્યક્રમમાં ફેરફાર કરી શકશે. સ્પર્ધાત્મક લેખિત પરીક્ષાના કોલલેટર ડાઉનલોડ કરવા માટેનો વિગતવાર કાર્યક્રમ પરીક્ષાની તારીખના પંદર દિવસ પહેલા મંડળની વેબસાઈટ (https://gsssb.gujarat.gov.in) પર મૂકવામાં આવશે.
વાંચો વિગતે
200 ગુણની પરીક્ષા રહેશે
વડોદરા મનપાની જૂનિયર ક્લાર્ક વર્ગ 3ની પરીક્ષાની તારીખ જાહેર કરાઈ છે. જેમાં 552 બેઠકો માટે પરીક્ષાનું આયોજન કરવામા આવ્યું છે. કુલ 1 લાખ 8 હજાર ઉમેદવારો પોતાની ઉમેદવારી નોંધાવી છે. ગાંધીનગર, અમદાવાદ, આણંદ અને નડીયાદમાં પરીક્ષાનું આયોજન કરવામાં આવ્યું છે. જે પરીક્ષાનો સમય બે કલાકનું રહેશે તેમજ ૨૦૦માર્કનું પ્રશ્ન પત્ર હશેય
