ક્રાઈમ / ઓનલાઈન રૂપિયા કમાતા ચેતજો! YouTube, Google ટાસ્કના નામે ઠગાઈ કરતી ગેંગનો ભાંડાફોડ, નેટવર્ક દુબઈથી થતું હેન્ડલ

• ઓનલાઈન રૂપિયા કમાતા ચેતજો
• મોબાઈલના ટાસ્કના રૂપિયા પડી શકે ભારે
• YouTube, Google ટાસ્કના નામે ઠગાઈ

વડોદરા સાયબર ક્રાઈમે ટાસ્ક રેકેટ ચલાવી લોકોના રૂપિયા પડાવતી ગેંગના 3 આરોપીને ઝડપી પાડ્યા છે. આજના વૈજ્ઞાનિક યુગમાં લોકો વિજ્ઞાનના વિવિધ ઉપકરણોનો ઉપયોગ કરતા અને એન્ટરટેઇનમેન્ટની મજા માણતા થયા છે. ત્યારે લોકોમાં હાલ મોબાઈલનો ઉપયોગ પણ સતત વધી રહ્યો છે. 

રૂપિયાની લાલચમાં ગુમાવ્યા 82.67 લાખ
મોબાઈલના ઉપયોગ સાથે લોકોમાં મોબાઈલથી કમાવવાની ઈચ્છા અને લાલચ વધી છે. ત્યારે આવી લાલચમાં લોકો કામના નામે મળતા ઓનલાઈન ટાસ્કમાં જલ્દી રૂપિયા કમાવાની લાલચમાં પોતાની મરણમૂડી ગુમાવી બેસતા હોય છે. ત્યારે આવી જ ઘટના વડોદરા શહેરમાંથી સામે આવી છે. જેમાં એર વેપારીએ શરૂઆતમાં ટાસ્કના કામથી રૂપિયા મેળવી વધુ કમાવવાની લાલચમાં આવતા 82.67 લાખ રૂપિયા ગુમાવવા પડ્યા છે.

છેતરપિંડી કરી ગુનો આચરવામાં આવ્યો 
ઉલ્લેખનીય છે કે અગાઉ પણ સાઇબર માફીયાઓ દ્વારા અનેક નાગરિકો સાથે આ જ પ્રમાણે છેતરપિંડી કરી ગુનો આચરવામાં આવ્યો હતા. વડોદરા સાઇબર ક્રાઇમની ટીમે ત્રણ આરોપીઓ વરૂણ દુર્ગાપ્રસાદ કપૂર,  મેહુલ અરવિંદ પટેલ, હાર્દિક અરવિંદ પટેલને ઝડપી પાડયા હતા. પોલીસની તપાસ દરમિયાન જાણવા મળ્યું હતું કે, વરૂણ લોન એજન્ટ તરીકેનું કામ કરતો હતો. મેહુલ લેબોરેટરીમાં કામ કરતો હતો જ્યારે હાર્દિક એકાઉન્ટ ઓપરેટ કરવાનું કામ કરતો હતો. ત્રણેય આરોપીઓ ઉદેપુર જઇને એકાઉન્ટની વિગતો અન્ય એક  આરોપીને આપી આવ્યા હતા. 

વાંચવા જેવું: ગુજરાતમાં ડબલ સિઝન વાળી હવામાન વિભાગની આગાહી, જાણો આવનાર 5 દિવસ કેવું રહેશે તાપમાન

પૈસા કમાવાની લાલચ આપે છે
આ સમગ્ર રેકેટ દુબઇથી ઓપરેટ થતું હોવાનું હાલના તબક્કે જાણવા મળ્યું છે. આરોપી હાર્દિક અગાઉ દુબઇ પણ જઇ આવ્યો હતો. જેથી પોલીસે તે દિશામાં તપાસ તેજ કરી છે ઉલ્લેખનીય છે કે વડોદરા,પોલીસની તપાસમાં આરોપીઓની ગુનો કરવાની મોડસ ઓપરેન્ડી પણ જાણવા મળી છે. આરોપીઓ રોજ 25 જેટલા ટાસ્ક આપીને એક થી બે  હજાર કમાવવાની લાલચ આપે છે. આ રીતે ટાસ્ક પૂરો કરીને બીજા યુઝર્સ મોટી રકમ કમાયા છે. તેવા સ્ક્રીન શોટ ટેલિગ્રામ ગ્રૂપમાં મૂકી લોકોને વિશ્વાસમાં લેવામાં આવે છે.