વાસ્તુ ટિપ્સ / ઘરમાં અરીસો લગાવ્યો હોય તો ખાસ ચેક કરજો દિશા, બાથરૂમમાં હોય તો હટાવી લેજો, નહીંતર કષ્ટો આવતા હોવાની છે માન્યતા

• વાસ્તુશાસ્ત્ર અનુસાર દર્પણ લગાવવો
• યોગ્ય દિશામાં રાખવાથી સુખ, શાંતિ અને સમૃદ્ધિ રહે છે
• યોગ્ય દિશામાં દર્પણ રાખવામાં ના આવે તો નુકસાન થાય છે

દરેક ઘરમાં દર્પણ જરૂરથી હોય છે. વાસ્તુશાસ્ત્ર અનુસાર દર્પણ રાખવા માટેની યોગ્ય દિશા જણાવવામાં આવી છે. યોગ્ય દિશામાં દર્પણ રાખવામાં ના આવે તો નુકસાન થઈ શકે છે. તમામ વસ્તુઓ યોગ્ય દિશામાં રાખવાથી સુખ, શાંતિ અને સમૃદ્ધિ રહે છે અને ઘરમાં બરકત આવે છે. યોગ્ય દિશામાં દર્પણ રાખવાથી કિસ્મતના દરવાજા ખુલે છે અને ખોટી દિશમાં રાખવાથી ઘરમાં કંગાળી આવે છે. ઘરમાં દર્પણ લગાવતા સમયે કેટલીક ખાસ બાબતોનું ધ્યાન રાખવું જોઈએ, જે અંગે અહીંયા જણાવવામાં આવ્યું છે. 

વાસ્તુ શાસ્ત્ર અનુસાર દર્પણ લગાવવાના નિયમ

• વાસ્તુશાસ્ત્ર અનુસાર દર્પણ પશ્ચિમ અથવા દક્ષિણ દીવાલ પર ના રાખવો જોઈએ. નહીંતર ઘરના સભ્યો પર નકારાત્મક અસર થાય છે અને ઘરમાં કલેશ થાય છે. 
• ઘરમાં દર્પણ તૂટેલો, ધારદાર, ઝાંખો અથવા ગંદો ના હોવો જોઈએ. નહીંતર ઘરમાં કંગાળી આવે છે અને પ્રગતિ થતી નથી. 
• વાસ્તુશાસ્ત્ર અનુસાર ઘરના સ્ટોર રૂમમાં દર્પણ ના રાખવો જોઈએ. આ જગ્યાએ દર્પણ રાખવાથી ઘરના સભ્યો વચ્ચે માનસિક તણાવ રહે છે અને તેઓ યોગ્ય નિર્ણય લઈ શકતા નથી. 
• રસોડામાં દર્પણ ના રાખવો જોઈએ, તેમાંથી નીકળતી નકારાત્મક ઊર્જાને કારણે આરોગ્ય ખરાબ રહે છે. 
• બેડરૂમમાં દર્પણ ના હોવો જોઈએ. દર્પણમાં પથારીનું પ્રતિબિંબ ના દેખાવું જોઈએ. બેડરૂમના દર્પણમાં ખુદને જોવાથી ભ્રમની પરિસ્થિતિનો સામનો કરવો પડે છે. બેડરૂમમાં દર્પણ રાખ્યા સિવાય અન્ય વિકલ્પ ના હોય તો દર્પણ પર પડદો લગાવી દેવો જોઈએ. 
• ઘરના મુખ્ય દ્વાર પર દર્પણ ના લગાવવો, નહીંતર ઘરમાં લક્ષ્મી માતાનું આગમન થતું નથી અને પ્રગતિ અટકી જાય છે. 
• બાથરૂમમાં પૂર્વ અથવા ઉત્તર દિશાની દીવાલો પર દર્પણ લગાવો, જેથી નકારાત્મક ઊર્જા દૂર રહે છે. 
• દર્પણ લગાવવા માટે પૂર્વ અને ઉત્તર દિશા શુભ માનવામાં આવે છે, જે ધન દેવતા કુબેરનું કેન્દ્ર છે. આ કારણોસર આ દિશામાં દર્પણ લગાવવાથી ઘરમાં સકારાત્મક ઊર્જા આવે છે. 

(DISCLAIMER: આ લેખમાં ધર્મને લગતી આ માહિતી માત્ર અલગ-અલગ મળતી માહિતીને આધારિત છે. નહીં કે, તમે તેને સત્ય જ માની લો. કારણ કે ધર્મ એ દરેકની આસ્થાનો વિષય છે. આથી અહીં આપવામાં આવેલી જાણકારીને અનુસરતા પહેલા ધર્મ કે શાસ્ત્ર આધારિત જ્ઞાન ધરાવનારા વિદ્ધાનોની સલાહ લેવી અતિ આવશ્યક રહેશે. કોઈપણ પ્રકારની મુશ્કેલી સર્જાશે તો તે માટે VTV ગુજરાતી જવાબદાર નહીં રહે. આ લેખ માત્ર ન્યૂઝના હેતુસર પબ્લિશ કરવામાં આવ્યો છે.)