સમગ્ર રાજ્યમાં અત્યારે કાળઝાળ ગરમી પડી રહી છે, ત્યારે હવામાનની નવી અપડેટ સાથે આગાહી સામે આવી છે. રાહત આપતી આગાહી મુજબ બે દિવસ આકરી ગરમી બાદ ગરમીમાં આંશિક રાહત મળશે સાથો સાથ કમોસમી વરસાદની આગાહી છે.
કમોસમી વરસાદની આગાહી
હવામાન વિભાગે આગાહી કરતા કહ્યું કે,11મી મેના રોજ નર્મદા, તાપી, ડાંગ, વલસાડ, દમણ, દાદારનાગર હવેલીમાં પવન સાથે કમોસમી વરસાદ વરસી શકે છે. તો 12મી મેના રોજ અરવલ્લી, સાબરકાંઠા, દાહોદ, છોટા ઉદેપુર, નર્મદા, તાપી, ડાંગ, વલસાડ, દમણમાં વરસાદની આગાહી કરવામાં આવી છે. જ્યારે 13મી તારીખે સુરત, નર્મદા, દાહોદ, વલસાડ, નવસારી, દમણ, દાદારાનાગર હવેલી, સાબરકાંઠા સહિત વરસાદની આગાહી કરવામાં આવી છે.
વાંચવા જેવું: 10 લાખ આપો અને NEETની પરીક્ષામાં ચોરી કરો, આખરે ક્યારે અટકશે આવાં કૌભાંડ? જોઇએ વિશેષ ચર્ચામાં
4 સિસ્ટમ સક્રિય થઈ
વધુમાં ગરમીને લઈ આગાહી કરાઈ છે કે, બે દિવસ અમદાવાદમાં અંગ દજાડતી ગરમી પડશે.અમદાવાદમાં બે દિવસ પારો 43 ડિગ્રીએ રહી શકે છે. તો ગાંધીનગરમાં બે દિવસ ગરમીનો પારો 42 ડિગ્રી પહોંચી શકે છે. અત્રે જણાવીએ કે, વર્તમાનમાં ગુજરાત પાસે 4 સિસ્ટમ સક્રિય થઈ છે. જેમાં રાજસ્થાન, મધ્યપ્રદેશ ઉપર અને સિસ્ટમ અરબસાગર ઉપર સિસ્ટમ સક્રિય થતા ગુજરાતમાં વરસાદની આગાહી કરાઈ છે.
