મોટો બચાવ / સાચવો આ મોંઘામૂલી ચીજ : 80 કરતાં વધારે બીમારીઓની સારવાર કરી શકે છે, બાળકોને કેન્સરથી પણ બચાવી શકે છે

• બાળકના જન્મ બાદ ગર્ભનાળ સાચવીને રાખી શકાય
• ગર્ભનાળથી બાળકની ભવિષ્યની બીમારીથી બચાવી શકાય 
• ગર્ભનાળ બાળકોને કેન્સર અને બ્લડ ડિસઓર્ડર જેવી બીમારીઓ બચાવી શકે છે 

ગર્ભાવસ્થા દરમિયાન જ્યારે બાળક માતાના પેટમાં હોય છે, ત્યારે તેને ગર્ભ નાળમાંથી આખા 9 મહિના સુધી ઓક્સિજન અને પોષણ મળે છે. માતા જે પણ ખાય છે, તેનું પોષણ ગર્ભનાળ દ્વારા બાળક સુધી પહોંચે છે. વિજ્ઞાનની ભાષામાં નાળને પ્લેસેન્ટા અથવા નાળ કહેવામાં આવે છે. તેનો એક છેડો ગર્ભાશય સાથે જોડાયેલો હોય છે, જ્યારે બીજો બાળકની નાભિ સાથે જોડાયેલો હોય છે. ડિલિવરી બાદ માતાના શરીરમાંથી નાળ નીકળી જાય છે, જ્યારે બાળકની નાભિ સાથે જોડાયેલો ભાગ થોડા દિવસો બાદ સુકાઈ જાય છે. આ વાતની બધાને ખબર છે પરંતુ શું તમે જાણો છો કે જે રીતે માતાના ગર્ભની અંદર રહેલી નાળ બાળકને પૌષ્ટિક વસ્તુઓ પહોંચાડે છે અને ઝેરી વસ્તુઓને તેના સુધી પહોંચતા રોકે છે, તેવી જ રીતે ભવિષ્યમાં પણ તે તેને અનેક બીમારીઓથી બચાવી શકે છે.

શું છે પ્લેસેન્ટા બેંકિંગ?
આરોગ્ય નિષ્ણાતોના જણાવ્યા અનુસાર, જો જન્મ પછી બાળકની નાળના કોષોને બચાવી લેવામાં આવે  તો તે પછીના જીવનમાં ઘણા જીવલેણ રોગોથી બચવામાં મદદ કરી શકે છે. આજકાલ બાળકની ગર્ભનાળના કોષોને બચાવવામાં આવી રહ્યા છે. આને સ્ટેપ સેલ પ્રિઝર્વેશન અથવા પ્લેસેન્ટા બેંકિંગ કહેવામાં આવે છે.

80થી વધુ બીમારીઓની સારવાર કરવા સક્ષમ 
હોવર્ડ હેલ્થના જણાવ્યા અનુસાર, નાળની અંદરનું લોહી હેમેટોપોઇએટિક સ્ટેમ સેલ્સથી ભરપૂર હોય છે. સાથે જ સ્ટેમ સેલ 80થી વધુ રોગોની સારવાર માટે સક્ષમ છે. જેમાં કેન્સર, બ્લડ ડિસઓર્ડર, ઈમ્યુન ડિસઓર્ડર અને જેનેટિક બીમારીઓનો સમાવેશ થાય છે. નાળને હાથમાં રાખવાથી બાળકના આનુવંશિક રોગો અથવા કોઈપણ તબીબી કેસ ઇતિહાસને સમજવામાં મદદ મળી શકે છે અને આ રીતે તેમની સાથે સંકળાયેલા દરેક રોગની સચોટ સારવાર કરવામાં મદદ મળી શકે છે. એટલું જ નહીં નાળની મદદથી બાળક તેમજ આવનારી પેઢીઓને ફાયદો થઇ શકે છે. જો પરિવારમાં આનુવંશિક સમસ્યા હોય જે બાળકમાં પણ થઈ શકે છે, તો તે કોર્ડ બ્લડથી ઠીક થઈ શકે છે.

ક્યાં સુધી તેનો ઉપયોગ કરી શકાય 
આરોગ્ય નિષ્ણાતોના જણાવ્યા અનુસાર નાળને સાચવી રાખ્યા બાદ તેનો ઉપયોગ આજીવન કરી શકાય છે. મેડિકલ સ્ટડીમાં સામે આવ્યું છે કે 23 વર્ષ સુધી સચવાયેલા રહ્યા બાદ પણ સ્ટેમ સેલ્સ હેલ્ધી રહી શકે છે અને ઘણા રોગોની સારવારમાં બાળકને મદદ કરી શકે છે.