- આવતીકાલે વર્લ્ડકપ ફાઇનલ
- ફાઈનલની હારનો બદલો લેશે ટીમ ઈન્ડિયા
- ફરી આમને સામને હશે ઈન્ડિયા-ઓસ્ટ્રેલિયા
ICC U19 પુરૂષ વિશ્વ કપ 2024ની ફાઈનલમાં ભારતીય ટીમનો સામનો ઓસ્ટ્રેલિયા સાથે થશે. બન્ને ટીમોની વચ્ચે આ ફાઈનલ મેચ રવિવારે બેનોનીના વિલમૂર પાર્કમાં રમાશે. ભારતે પહેલા સેમીફાઈનલમાં સાઉથ આફ્રીકાને 2 વિકેટથી હરાવ્યું. જ્યારે બીજા સેમીફાઈનલમાં ઓસ્ટ્રેલિયાએ પાકિસ્તાનને 1 વિકેટે હરાવીને ફાઈનલમાં એન્ટ્રી કરી લીધી હતી.
એક વર્ષની અંદર આ ત્રીજી ફાઈનલ
આમ જોવામાં આવે તો ભારત અને ઓસ્ટ્રેલિયાની વચ્ચે એક વર્ષની અંદર ત્રીજી વખત કોઈ ફાઈનલ મેચ રમાઈ રહી છે. તેના પહેલા જે બે મેચ રમાઈ હતી તેમાં ભારતીય ટીમને હારનો સામનો કરવો પડ્યો હતો. 7-11 જૂનની વચ્ચે લંડનના ધ ઓવલમાં ટીમ ઈન્ડિયા ઓસ્ટ્રેલિયાની સામે WTC ફાઈનલમાં હતી. તે મેચમાં ભારત 209 રનોથી હાર્યું હતું.
પછી 19 નવેમ્બરે ભારત-ઓસ્ટ્રેલિયાની વચ્ચે ક્રિકેટ વર્લ્ડ કપ 2023ની ફાઈનલ મેચ રમવામાં આવી હતી. ફાઈનલ મેચમાં ભારતીય ટીમને ઓસ્ટ્રેલિયાના સામે છ વિકેટથી હારનો સામનો કરવો પડ્યો. આ હારના કારણે ટીમ ઈન્ડિયાનું ત્રીજુ વર્લ્ડ ચેમ્પિય બનવાનું સપનું તૂટી ગયું હતું. હાર બાદ ભારતીય ખેલાડી અને ફેન્સની આંખોમાં નમી હતી.
સહારન લેશે WC ફાઈનલ હારનો બગલો
હવે ભારતની યૂથ ટીમની પાસે વર્લ્ડ કપ ફાઈનલમાં ઓસ્ટ્રેલિયાના હાથે રોહિત બ્રિગેડને મળેલી તે હારનો બદલો લેવાનો મોકો છો. ફક્ત 84 દિવસ બાદ આ સમય આવી ગયો છે. ભારતીય કેપ્ટન ઉદય સહારન ફેન્સની આશા પર ખરા ઉતરવાની તૈયારીઓમાં લાગેલા હશે.
ઉદય સહારનની કેપ્ટન્સી વાળી અંડર-19 ટીમ આ મોટી તકને ગુમાવવા નહીં માંગતી હોય. જોકે ભારતની જેમ ઓસ્ટ્રેલિયાનું પણ શાનદાર પ્રદર્શન રહ્યું છે અને એક પણ મેચ હાર્યા વગર અંડર-19 વર્લ્ડ કપ 2024ના ફાઈનલમાં જગ્યા બનાવી છે. એવામાં ફાઈનલ મેચ ખૂબ જ કાંટેદાર રહેશે.
ફાઈનલમાં ભારતનું પલડુ ભારે
પરંતુ જણાવી દઈએ કે અંડર-19 વર્લ્ડ કપ ફાઈનલમાં ભારતીય ટીમ અને ઓસ્ટ્રેલિયાની વચ્ચે અત્યાર સુધી 2 વખત ટક્કર થઈ ગઈ છે. બન્ને વખત ભારતીય ટીમે ધમાકેદાર અંદાજમાં જીત નોંધાવી છે. હવે બન્ને ટીમોની વચ્ચે ફાઈનલમાં ત્રીજી વખત ટક્કર થશે.
વધુ વાંચો: ચેતેશ્વર પૂજારાએ સિલેક્ટર્સનો માથાનો દુખાવો વધારી દીધો, રણજી ટ્રોફી 2024 સીઝનમાં ફટકારી બીજી સદી
જો ભારતીય ટીમ જીતશે તો આ તેની ઓસ્ટ્રેલિયા સામે અંડર-19 વર્લડ કપ ફાઈનલમાં ત્રીજી હેટ્રિક હશે. તેના પહેલા ભારતીય ટીમ વર્લ્ડ કર ફાઈનલમાં ઓસ્ટ્રેલિયાને 2012 અને 2018માં હરાવી ચુકી છે. છેલ્લી વર્લ્ડ કપ ટ્રોફી ભારતે ઈંગ્લેન્ડને હરાવીને જીતી હતી.
