- રાજકોટમાં એકીસાથે બે સગીરા પર રેપનો બનાવ
- પહેલા બનાવમાં બોયફ્રેન્ડે રેપ કરીને વીડિયો બનાવ્યો
- બીજી ઘટનામાં ઓળખીતાએ રેપ કરીને સગીરાને કરી ગર્ભવતી
રાજકોટમાં સગીરાઓની બે મોટી ઘટનાઓ બની છે. ધોરણ 9માં અભ્યાસ કરતી બે સગીરાઓ પર તેમના ડબલ મોટી ઉંમરના બે શખ્સો રેપ કર્યો હતો અને તેમા એક તો 7 મહિનાની ગર્ભવતી છે.
પહેલી ઘટનામાં બોયફ્રેન્ડે 9માની છોકરી પર ગુજાર્યો રેપ
શહેર પોલીસમાં નોંધાયેલી અલગ અલગ ફરિયાદોમાં ધોરણ 9માં અભ્યાસ કરતી બે છોકરીઓ પર તેમના ઓળખીતા લોકોએ બળાત્કાર ગુજાર્યો હતો. 9માં અભ્યાસ કરતી 15 વર્ષની એક છોકરી પર તેના બોયફ્રેન્ડે બળાત્કાર ગુજાર્યો હતો, જેણે તેના ફોટોગ્રાફ્સ સોશિયલ મીડિયા પર વાયરલ કરવાની ધમકી આપીને બ્લેકમેલ કરી હતી.એ-ડિવિઝન પોલીસ સ્ટેશનમાં નોંધાયેલી ફરિયાદ મુજબ, સગીરાની આરોપી સાથે મિત્રતા થઈ ગઈ હતી ત્યાર બાદ તે અવારનવાર તેની સાથે ફરવા જતી હતી. જૂન 2022માં, આરોપી તેને તેના ટુ-વ્હીલર પર લઈ ગયો હતો, એમ કહીને કે તેઓ એમ્યુઝમેન્ટ પાર્કમાં જઈ રહ્યા છે. જોકે, તે તેને એક રૂમમાં લઈ ગયો હતો અને બળાત્કાર ગુજાર્યો હતો. આરોપીએ તેની કેટલીક વાંધાજનક તસવીરો પણ રેકોર્ડ કરી હતી. ત્યાર બાદ યુવતીએ તેની સાથે સંબંધ તોડી નાખ્યો હતો પરંતુ તે તેનો પીછો કરતો રહ્યો હતો. જ્યારે પણ તે બહાર જતી ત્યારે તેની પાછળ પાછળ જતો હતો અને ધમકી આપતો હતો કે જો તે આ સંબંધ ચાલુ નહીં રાખે તો ફોટોગ્રાફ્સ વાયરલ કરી દેશે. તેણે 13 એપ્રિલે તેને એક અલગ સ્થળે જોઈને તેના પર બળાત્કારનો પ્રયાસ પણ કર્યો હતો. જાતીય હુમલોથી સગીરાને આઘાત લાગ્યો હતો અને આખરે ન રહેવાતા તેણે માતાની સાચી વાત કરી હતી. એ-ડિવિઝન પોલીસે બળાત્કાર પીડિતાના પિતાની ફરિયાદના આધારે આરોપી સામે આઈપીસીની કલમ 13 અને 363 (376) હેઠળ ગુનો નોંધ્યો હતો.
બીજા બનાવમાં 25 વર્ષીય યુવાને સગીરા પર રેપ કરીને ગર્ભવતી બનાવી
રાજકોટના થોરાળમાં બીજો એક રેપનો બનાવ બન્યો છે જેમાં ધો.9માં અભ્યાસ કરતી એક સગીરા પર બળાત્કાર ગુજારી ગર્ભવતી બનાવવાના આરોપસર થોરાળા પોલીસે 25 વર્ષીય યુવકની ધરપકડ કરી હતી. જ્યારે છોકરીનું માસિક ન આવ્યું ત્યારે માતાને શંકા પડી હતી અને તેને ડોક્ટર પાસે લઈ જતાં તે ગર્ભવતી હોવાનું સાબિત થયું હતું.
સગીરા સાત મહિનાની ગર્ભવતી
સગીરા સાત મહિનાની ગર્ભવતી છે. સગીરા અને આરોપી વચ્ચે દોસ્તી હતી અને આનો લાભ લઈને આરોપીએ તેની સાથે ઘણી વાર રેપ કર્યો હતો. પરિવારે તેની સગાઇ નક્કી કરી છે પરંતુ આરોપીએ ધમકી આપી હતી કે જો તે તેમને કંઇ પણ જાહેર કરશે તો તેના ભાઇને જાનથી મારી નાખશે અને તે તેની નગ્ન તસવીરો વાયરલ કરી દેશે. આરોપીની ધમકીથી ડરીને સગીરાએ તેની પ્રેગનન્સ છુપાવી હતી પરંતુ ડોક્ટરોએ તેની પ્રેગનન્સ જાહેર કરી દીધી હતી.
