મોરબીમાં ચાલુ ટ્રકનું ટાયર નીકળીને એક ચાની દુકાનમાં પહોંચી ગયું હતું. દોડતું આવતું ટાયર જોઈને સ્થાનિક લોકોમાં પણ ભાગદોડ મચી હતી. મોરબીના નવલખી રોડની આ ઘટના છે. આ રોડ પરથી રોજ હજારો ટ્રક અને મોટા વાહન પસાર થતા હોય છે. પરંતુ આ પ્રકારની ઘટના કોઈ દિવસ જ જોવા મળતી હોય છે. એક ચાલુ ટ્રકમાંથી ટાયર અલગ થઈને રસ્તા પર દોડવા લાગ્યું હતું. આ ઘટનાના સીસીટીવી પણ સામે આવ્યા છે. એક ટાયર અચાનક જ આવી રીતે કોઈ દુકાનમાં ઘૂસી જાય તો, સ્વાભાવીક છે કે, લોકોમાં ડર તો ઉભો થશે. અનેક વખત આ પ્રકારની ઘટનામાં લોકોને ગંભીર ઈજા પણ થતી હોય છે. પંરતુ મોરબીની આ ઘટનામાં કોઈને ઈજા પહોંચી નથી. ટાયર આવતું જોઈને લોકોએ બચવા માટે દોડધામ કરી હતી. જુઓ આ વીડિયો