અજબ-ગજબ / VIDEO: મોરબીના નવલખી હાઈ-વે પર ખાખરાળા ગામ નજીક ટ્રકનું ટાયર આવીને ચાની દુકાનમાં અથડાયું

• મોરબીમાં ચાલુ ટ્રકે નીકળી ગયું ટાયર
• ચાલુ ટ્રકમાંથી ટાયર નીકળી પાનની દુકાનમાં ઘુસી ગયું
• નવલખી હાઇવે પર ખાખરાળા ગામ પાસે બની ઘટના

મોરબીમાં ચાલુ ટ્રકનું ટાયર નીકળીને એક ચાની દુકાનમાં પહોંચી ગયું હતું. દોડતું આવતું ટાયર જોઈને સ્થાનિક લોકોમાં પણ ભાગદોડ મચી હતી. મોરબીના નવલખી રોડની આ ઘટના છે. આ રોડ પરથી રોજ હજારો ટ્રક અને મોટા વાહન પસાર થતા હોય છે. પરંતુ આ પ્રકારની ઘટના કોઈ દિવસ જ જોવા મળતી હોય છે. એક ચાલુ ટ્રકમાંથી ટાયર અલગ થઈને રસ્તા પર દોડવા લાગ્યું હતું. આ ઘટનાના સીસીટીવી પણ સામે આવ્યા છે. એક ટાયર અચાનક જ આવી રીતે કોઈ દુકાનમાં ઘૂસી જાય તો, સ્વાભાવીક છે કે, લોકોમાં ડર તો ઉભો થશે. અનેક વખત આ પ્રકારની ઘટનામાં લોકોને ગંભીર ઈજા પણ થતી હોય છે. પંરતુ મોરબીની આ ઘટનામાં કોઈને ઈજા પહોંચી નથી. ટાયર આવતું જોઈને લોકોએ બચવા માટે દોડધામ કરી હતી. જુઓ આ વીડિયો