રાજકોટ / Photos: જુઓ શું થયું જ્યારે ST ડેપો જોવા પહોંચ્યા હર્ષ સંઘવી, બેન્ચ સહિતની સુવિધાઓનું કરી સમીક્ષા

 

• આજે ગૃહ રાજ્યમંત્રી હર્ષ સંઘવીએ રાજકોટની લીધી મુલાકાત
• હર્ષ સંઘવીએ રાજકોટ ST ડેપોની આકસ્મિક મુલાકાત લીધી
• ST ડેપોમાં ચેકિંગ કરી કેન્ટીનમાં ચાની ચુસ્કી પણ લગાવી 

રાજકોટમાં સ્વામિનારાયણ ગુરૂકુળ સંસ્કૃતિ અમૃત મહોત્સવમાં હાજરી આપીને ગૃહ રાજ્યમંત્રી હર્ષ સંઘવી અચાનક શહેરના ઢેબર રોડ પર આવેલા એસ.ટી ડેપોની મુલાકાતે પહોંચ્યા હતાં. અહીં તેમણે પહેલા એસ.ટી બસપોર્ટની મુલાકાત લીધી હતી અને ત્યાર બાદ મુસાફરો સાથે વાતચીત કરી હતી. તેમજ ટોઇલેટ બ્લોક અને પાણી વ્યવસ્થાની સહિત વેઇટિંગ રૂમની ચકાસણી કરી હતી. 

કેન્ટીનમાં ચાની ચુસ્કી પણ લગાવી
એસ.ટી બસપોર્ટની મુલાકાત દરમિયાન હર્ષ સંઘવીએ બસ સ્ટેશનની કેન્ટીનમાં ચાની ચુસ્કી પણ લગાવી હતી.  સાથે નવી એસટી બસોને હર્ષ સંઘવીએ લીલી ઝંડી આપી હતી.

તમામ વ્યવસ્થાથી લોકો સંતુષ્ટઃ હર્ષ સંઘવી
આ દરમિયાન હર્ષ સંઘવીએ જણાવ્યું હતું કે, રાજકોટમાં જે મોડલ બસસ્ટેશન બનાવવામાં આવ્યું છે, અહીંયા ઇન્ટરનેશનલ લેવલની ફેસેલિટી વિભાગ દ્વારા બનાવી લોકોની સેવામાં ઉપલબ્ધ કરવામાં આવી છે. લોકો તમામ વ્યવસ્થાથી સંતુષ્ટ જોવા મળ્યા. એસટી બસમાં સફાઈ અને ક્વોલિટી છે, તેનાથી લોકો ખુશ છે.

"વ્યાજખોરો સામે ભરાશે કડક પગલા"
વ્યાજખોરીના દૂષણ અંગે હર્ષ સંઘવીએ જણાવ્યું હતું કે, આવનારા દિવસોમાં ગુજરાતભરમાં કોઈ પણ જગ્યાએ વ્યાજખોરીનું દૂષણ હશે તેની સામે કડક કાર્યવાહી કરવામાં આવશે. એક પણ વ્યક્તિના વ્યાજખોરોના ત્રાસથી જીવ ગુમાવવાની વાત તો દૂર, જરાય હેરાન ન થાય તે માટે હજુ વધુ કડક પગલાં લેવામાં આવશે. કોઈ પણ વ્યાજખોરને છોડવામાં આવશે નહીં.