દુઃખદ / રાજકોટમાં એક જ દિવસમાં હાર્ટઍટેકથી ત્રણના નિધન: ત્રણેય વ્યક્તિઓને બેભાન હાલતમાં સિવિલમાં એડમિટ કરવામાં આવ્યા હતા

• રાજકોટમાં હાર્ટએટેકથી 3 વ્યક્તિના મૃત્યુ
• ત્રણેય વ્યક્તિઓને સિવિલમાં ખસેડાયા હતા
• એક દિવસમાં ત્રણના હાર્ટએટેકથી મૃત્યુ

રાજકોટનાં રેલ નગરમાં ભાડેથી રહેતા ભાવેશભાઈ ધીરૂભાઈ ગોહેલ રાત્રે ઘરે હતા. તે દરમ્યાન અચાનક તેઓ બેભાન થઈ જતા તેને સારવાર અર્થે હોસ્પિટલ ખસેડાયો હતો. સારવાર દરમ્યાન મોડી રાત્રે યુવકનું મોત નિપજ્યું હતું. ત્યારે આ બાબતે પ્રદ્યુમનનગર પોલીસને જાણ કરતા પોલીસે યુવકનાં મૃતદેહને પીએમ અર્થે ખસેડ્યો હતો. 

ઉલ્ટી થયા બાદ જમીન પર ફસડાઈ પડ્યા
જ્યારે બીજા બનાવમાં રાજકોટનાં ભારતીનગર વિસ્તારમાં રહેતા 46 વર્ષીય રામજી સોલંકી સાંજેના સુમારે ઘરે હતા. ત્યારે અચાનક જ તેઓને ઉલ્ટી થયા બાદ તેઓ બેભાન થઈ જમીન પર ફસડાઈ પડ્યા હતા. ત્યારે બાદ તાત્કાલિક તેઓને સારવાર અર્થે હોસ્પિટલ ખસેડવામાં આવ્યા હતા. સારવાર દરમ્યાન તેઓનું મોત નિપજ્યું હતું. આ અંગે ગાંધીગ્રામ પોલીસ મથકે ગુનો નોંધાવા પામ્યો હતો. રા્મજીભાઈ સોલંકી સિક્યોરીટી ગાર્ડ તરીકે નોકરી કરતા હતા.

બેભાન થઈ જતા સારવાર અર્થે ખસેડાયા હતા
ત્રીજા બનાવમાં લોધિકાનાં પાળ ગામે વાડીમાં ખેત મજૂરી કરતા 51 વર્ષીય કેશુભાઈ મોહનિયા રાતે અચાનક બેભાન થઈ જતા તેઓને સારવાર અર્થે રાજકોટ સિવિલ હોસ્પિટલ ખાતે ખસેડવામાં આવ્યા હતા. હોસ્પિટલમાં ફરજ પર હાજર ર્ડાક્ટરે તેઓને મૃત જાહેર કરતા પરિવારજનોમાં શોકનો માહોલ વ્યાપી ગયો હતો. મૃતક કેશુભાઈ મૂળ દાહોદનાં વતની છે તેમજ તેઓને સંતાનમાં એક પુત્ર અને એક પુત્રી છે.