તમારા કામનું / હવે ઘરે બેઠાં PF એકાઉન્ટમાંથી પૈસા ઉપાડી શકો, બસ ક્લેમ કરવા માટે કરવું પડશે આ કામ

• 1995ની પેંશન પ્રણાલી અને 1976ની વીમા યોજના દ્વારા શાસિત છે
• જાણી લો આ 6 સૌથી જરુરી પીએફ ક્લેમ ફોર્મની યાદી
• ફોર્મ 10ડી દ્વારા તમે માસિક પેન્શન મેળવવા માટે આ ફોર્મનો ઉપયોગ કરી શકો છો.

જો તમે એક સરકારી અથવા પ્રાઇવેટ કર્મચારી છો. તો સેલેરી આવ્યા છતા તમે અચાનક પૈસાની જરુર પડે તો શું કરશો? તેવામાં જો તમે ઇપીએફ એકાઉન્ટથી પૈસા કાઢવાનું વિચારી રહ્યા છો અને તમે પૈસા કાઢવામાં તકલીફ થઇ રહી છે તો તમારે ઘભરાવવાની જરુર નથી. કારણ કે તમે ઘરે બેઠા સરળતાથી પોતાના પીએફ ખાતામાંથી પૈસા કાઢી શકો છો. તે માટે તમારે ક્યાંય જવાની જરુર નહીં પડે. 

જો તમે ઘરે બેઠા પોતાના પીએફ એકાઉન્ટમાંથી રુપિયા કાઢવા માંગો છો તો તમારે જરુરી સ્ટેપ ફોલો કરવા પડશે. જેનાથી તમારા પૈસા અમુક દિવસોમાં પોતાના ખાતામાં કર્મચારી ભવિષ્ય નિધિ સંગઠન દ્વારા ટ્રાંસફર કરવામાં આવશે. ઉલ્લેખનીય છે કે ઇપીએફઓ ભારતમાં રિટાયરમેન્ટ ફંડના પ્રબંધન માટે જવાબદાર સંગઠન પોતાના સદસ્યોને ત્રણ સામાજીક સુરક્ષા કાર્યક્રમ પ્રદાન કરે છે. 

કર્મચારી ભવિષ્ય નિધિ, એક પેન્શન યોજના, કર્મચારીઓ માટે એક વીમા કાર્યક્રમ. આ ત્રણ સ્કીમ 1952ની એપીએફ યોજના છે, 1995ની પેંશન પ્રણાલી અને 1976ની વીમા યોજના દ્વારા શાસિત છે, પોતાના સભ્યોની જરુરિયાતને પૂર્ણ રુપે પ્રદાન કરે છે. આ 6 સૌથી જરુરી પીએફ ક્લેમ ફોર્મની યાદી આપવામાં આવી છે, જેના વિશે તમને ખબર હોવી જોઇએ, જેની મદદથી તમે પૈસા કાઢી શકો છો. 

ક્યા ફોર્મનો ક્યારે થશે ઉપયોગ 

• ફોર્મ 10સીઃ તમે આ ફોર્મનો ઉપયોગ તમારી કંપનીની કોન્ટ્રીબ્યુશન NEPS સ્કીમમાંથી પૈસા ઉપાડવા માટે કરી શકો છો.
• ફોર્મ 10ડી: તમે માસિક પેન્શન મેળવવા માટે આ ફોર્મનો ઉપયોગ કરી શકો છો.
• ફોર્મ 31: આ ફોર્મનો ઉપયોગ લોન લેવા અને તમારા EPF ખાતામાંથી પૈસા ઉપાડવા માટે કરવામાં આવે છે.
• ફોર્મ 13: આ ફોર્મ તમને તમારા ફંડને એક નોકરીમાંથી બીજી નોકરીમાં ટ્રાન્સફર કરવાની મંજૂરી આપે છે. આ સુનિશ્ચિત કરે છે કે તમારું ફંડ એક જગ્યાએ છે.
• ફોર્મ 20: આ ફોર્મનો ઉપયોગ કરીને તમારા પરિવારના સભ્યો અથવા નોમિની કર્મચારીના મૃત્યુના કિસ્સામાં પીએફ ફંડ મેળવી શકે છે અને જો તમારી સેવા 10 વર્ષથી ઓછી હોય તો પણ આ લાગુ પડે છે.
• ફોર્મ 51 એફ : ફોર્મ 51એફ નો ઉપયોગ તમારા નોમિની દ્વારા કર્મચારીઓના ડિપોઝિટ લિંક્ડ ઇન્શ્યોરન્સના વીમા લાભોનો દાવો કરવા માટે કરી શકાય છે.