સમીક્ષા / લોકમુખે રહેતી આ જાણીતી કંપનીમાં ફરી થશે છટણી? હજારો કર્મચારીઓને મળી ખરાબ રેટિંગ, નોકરી જોખમમાં

• ફેસબુકમાં આટલા હજાર કર્મીને ખરાબ રેટિંગ મળ્યુ
• શુ ફરી એકવાર થશે છટણી ?
• સાત હજાર કર્મચારીઓને મળ્યુ ખરાબ રેટિંગ

અમેરિકાના એક મીડિયાના રીપોર્ટસની વાત કરીએ તો અમેરિકાની ટેક કંપની ફેસબુકે કંપનીમાં કામ કરનારા તમામ કર્મચારીઓની કામગીરીનું તાજેતરમાં મુલ્યાંકન કરવામાં આવ્યું હતુ. આ મુલ્યાંકન સમયે કંપનીના સાત હજાર કર્મીઓનું પરફોમન્સ ખરાબ હોવાનું રેટિંગ મળ્યુ છે. મહત્વનું છે કે આ કર્મીઓને સબપાર રેન્ક આપવામાં આવ્યો છે. જેનો સીધો મતલબ એ થાય છે કે, આ કર્મીની કામગીરી ખરાબ હોવાની જાણવા મળી છે. તમને જણાવી દઈએ કે નીચા રેટિંગનો અર્થ એ થાય છે કે કર્મચારીઓને મેટા એટલે કે ફેસબુકમાંથી છૂટા કરવામાં આવશે. ત્યારે આ સ્થિતિને જોતા એવુ લાગી રહ્યુ છે કે ફેસબુકમાંથી ફરી એકવાર છટણી થવાની હોવાની શક્યતાઓ સેવાઈ રહી છે.

પહેલા ૧૧૦૦૦ કર્મચારીઓને કાઢી મુક્યા હતા

કંપનીની વાત કરીએ તો તે સોશિયલ મીડિયાના પ્લેટફોર્મ ફેસબુકની માલિકી ધરાવી રહી છે. આ કંપનીએ આ પહેલા પણ ૧૧૦૦૦ કર્મચારીઓને ગુલાબી રંગની સ્લીપ આપીને કાઢી મુક્યા હતા. અને ફરી એકવાર ખરાબ રેટિંગ ધરાવનારા સાત હજાર કર્મચારીને કાઢી નાખવાની એટલે કે છટણી કરવાની શક્યતા સેવાઈ રહી છે. આમ કામ કરનારા કર્મીઓનું નબળી કામગીરીનું મુલ્યાંકન મળતા એવી આશંકા વ્યક્ત કરાઈ રહી છે કે આ જાયન્ટ કંપની ફરી એકવાર કર્મચારીને છૂટા કરવાનુ વિચારી રહી છે. 

પ્રથમ છટણી ક્યારે થઈ હતી?
કંપની દ્વારા ઈતિહાસમાં પ્રથમ વખત છટણી કરવામાં આવી હતી. તેની વાત કરીએ તો નવેમ્બર ૨૦૨૨માં કરવામાં આવી હતી. જેમાં ૧૩ ટકા કર્મચારીને એક સાથે છૂટા કરી દેવામાં આવ્યા હતા. કર્મચારીના સંખ્યાની વાત કરીએ તો અંદાજીત ૧૧૦૦૦ લોકોએ પોતાની નોકરી ગુમાવી હતી. આ ફેસબુક કંપનીના ઈતિહાસમાં પ્રથમ વખત બન્યુ હતુ.