- ટેટૂના ઘણાબધા ગેરફાયદા છે
- 'વ્યક્તિને ચેપ લાગવાનું જોખમ વધી જાય છે'
- 'HIVનો ચેપ લાગવાનું જોખમ રહે છે'
શરીર પર ટેટૂ બનાવવાની એક ફેશન બની ગઈ છે, આપણે મોટી સંખ્યામાં લોકોના શરીર પર ટેટૂઝ જોઈએ છે. પશ્ચિમી દેશોમાં ટેટૂ બનાવાની મોટી હરીફાઈ હોય તેમ બનાવવામાં આવી રહ્યાં છે. છેલ્લા થોડાક સમયથી ભારતમાં પણ તેનો ટ્રેન્ડ ખૂબ જ ઝડપથી વધી રહ્યો છે. જો કે, લોકો હંમેશા પોતાના શરીર પર ટેટૂ દોરવાતા હોય છે પરંતુ શ્રાવણ મહિનામાં થોડો ક્રેઝ વધુ હોય છે. ત્યારે મોટાભાગના લોકો આસ્થા સાથે જોડાયેલા ટેટૂ બનાવતા હોય છે. પરંતુ આ બધાની વચ્ચે તમને સવાલ કરીએ કે, શું તમે ટેટૂ બનાવવા પાછળના ગેરફાયદા જાણો છો? નિષ્ણાતોના મતે આના કારણે વ્યક્તિને ચેપ લાગવાનું જોખમ વધી જાય છે તેમજ અન્ય પણ કેટલીક સમસ્યાનો સામનો કરવો પડતો હોય છે.
HIVનો ચેપ લાગવાનું જોખમ રહે
પાપ્ત માહિતી મુજબ ટેટૂ દોરાવતા સમય કેટલીક સાવચેતી રાખવી ખૂબ જ જરૂરી છે કારણ કે થોડી બેદરકારી તમને જીવનભર નુકસાન પહોંચાડી શકે છે. ટેટૂ બનાવવાથી વ્યક્તિને HIVનો ચેપ લાગવાનું જોખમ રહે છે અને આવા કેટલાક કિસ્સાઓ પણ ગત વર્ષોમાં સામે આવ્યા છે. તેથી જ ટેટૂ બનાવવાના ટાળવા જોઈએ. જો તમે ટેટૂ બનાવવા માંગો છો તો તમે ટેટૂની સોયના ઉપયોગ પર ધ્યાન રાખો.
સ્કિન કેન્સર
શરીર પર ટેટૂ બનાવવાના કારણે સ્કિન કેન્સરનો ખતરો રહે છે અત્રે જણાવીએ કે, આ વાત આજ સુધી સાબિત થઈ નથી. પરંતુ ટેટૂની શાહીમાં રહેલા કેટલાક હાનિકારક તત્વો કેન્સરનું કારણ પણ બની શકે છે. કારણ કે, કાળી શાહીમાં બેન્ઝો પાયરીનનું સ્તર વધુ હોય છે જેના કારણે આ તત્વ જીવલેણ કાર્સિનોજેનિક હોઈ શકે છે.
રક્તજન્ય રોગ
શરીર પર ટેટૂ બનાવવાથી લોહીજન્ય રોગો વધવાનું જોખમ રહેલું છે. જેનું મુખ્ય કારણ સોયની છે, આ માટે ટેટૂ બનાવતી વખતે સ્વચ્છતા, રંગો, ટેટૂ બનાવનાર વ્યક્તિએ ગ્લોઝ પહેર્યા છે કે નહીં જેવી બધી બાબતોનું ધ્યાન રાખવું જરૂરી છે. તમને જણાવી દઈએ કે સોયનો એકથી વધુ વખત ઉપયોગ કરવોએ ઈન્ફેક્શનનો ખતરો છે.
એલર્જીક રિએક્શન
ટેટૂની શાહી કોઈપણ વ્યક્તિમાં એલર્જીક રિઅક્શનનું થઈ શકે છે. જેના કારણે તમે વર્ષો સુધી આ સમસ્યાનો શિકાર રહી શકો છો. આ પ્રકારની સમસ્યાને કારણે ટેટૂની જગ્યા પર ફોલ્લીઓ થવા લાગે છે. તેથી જ શરીર પર ટેટૂ બનાવવું ટાળવું જોઈએ.
