આતંક યથાવત્ / સુરતમાં રખડતાં શ્વાનોનો આતંક હજુ યથાવત્, પાંચ વર્ષના બાળક પર કર્યો હુમલો; ચહેરા પર ગંભીર ઈજાઓ

• સુરતમાં રખડતા કૂતરાઓનો ત્રાસ યથાવત
• પાંડેસરામાં 5 વર્ષીય બાળક પર શ્વાનો હુમલો
• શ્વાને હુમલો કરતા મોઢાના ભાગે ગંભીરતાઓ પહોંચી

 સુરતમાં રખડતા કૂતરાઓનો ત્રાસ યથાવત છે. ત્યારે પાંડેસરામાં 5 વર્ષીય બાળક પર શ્વાનોએ હુમલો કર્યો હતો.  બાળક ઘર પાસે રમી રહ્યો હતો. તે દરમ્યાન શ્વાનોએ હુમલો કર્યો હતો. શ્વાને હુમલો કરતા મોઢાનાં ભાગે ગંભીર ઈજાઓ પહોંચી હતી. ત્યારે તાત્કાલી બાળકને સારવાર  અર્થે નવી સિવિલ હોસ્પિટલમાં ખસેડાયો હતો. શહેરમાં નાના બાળકોનો શ્વાનના હુમલાનાં કેસો વધી રહ્યા છે.

બાળકને શ્વાને મોં પર બચકા ભર્યા હતા
સુરત શહેરમાં રખડતા શ્વાનનો ત્રાસ યથાવત જોલા મળી રહ્યો છે.  ત્યારે શહેરનાં પાંડેસરા વિસ્તારમાં રહેતા પરશુરામ ચૌબે જેઓ શાકભાજીનાં વ્યવસાય સાથે સંકળાયેલા છે. જેઓને પાંચ વર્ષનો પુત્ર ઘરની બહાર રમી રહ્યો હતો. તે દરમ્યાન રખડતા બે શ્વાનોએ બાળકનાં મોં પર બચકા ભર્યા હતા. જેથી બાળકને ઈજાઓ પહોંચતા તેને તાત્કાલિક સારવાર અર્થે હોસ્પિટલ ખસેડવામાં આવ્યો હતો. 
સુરત સિવિલમાં શ્વાન માટે અલાયદો વોર્ડ ઉભો કરાયો
મળતી માહિતી મુજબ સુરત સિવિલ હોસ્પિટલ ખાતે દરરોજ 15 થી 17 શ્વાન કરડવાનાં કેસ વી રહ્યા છે.  ત્યારે હોસ્પિટલમાં પુરતા પ્રમાણમાં શ્વાન કરડ્યાનં ઈન્જેક્શન પુરતા પ્રમાણમાં છે.  તેમજ શ્વાન કરડેલ દર્દીઓ માટે અલાયદો વોર્ડ પણ ઉભો કરવામાં આવ્યો છે.