ટિપ્પણી / 'સેકસની ઈચ્છાઓ પર છોકરીઓ કાબૂ રાખે', હાઈકોર્ટના નિવેદન પર સુપ્રીમ કોર્ટ લાલચોળ, જાણો શું છે મામલો

• સુપ્રિમ કોર્ટે કલકત્તા હાઈકોર્ટના નિર્ણય પર નારાજગી વ્યક્ત કરી 
• છોકરીઓને યૌન ઈચ્છા પર નિયંત્રણ રાખવાની સલાહ આપવામાં આવી 
• અદાલતોએ તેમનો અંગત અભિપ્રાય આપવાનું ટાળવું જોઈએ : SC
• સુપ્રીમ કોર્ટે કહ્યું કે હાઈકોર્ટની ટિપ્પણી અત્યંત વાંધાજનક અને બિનજરૂરી 

કલકત્તા હાઈકોર્ટે સગીર વયના યૌન ઉત્પીડનના કેસમાં તેના ચુકાદામાં કહ્યું હતું કે 'છોકરીઓએ... તેમની ઈચ્છાઓ પર નિયંત્રણ રાખવું જોઈએ અને 2 મિનિટના આનંદ પર ધ્યાન કેન્દ્રિત કરવું જોઈએ નહીં. આ સાથે કોર્ટે છોકરાઓને પણ સલાહ આપી હતી કે તેઓ પણ છોકરીઓની ગરિમાનું સન્માન કરે. સુપ્રિમ કોર્ટે કલકત્તા હાઈકોર્ટના નિર્ણય પર નારાજગી વ્યક્ત કરી છે જેમાં છોકરીઓને તેમની યૌન ઈચ્છા પર નિયંત્રણ રાખવાની સલાહ આપવામાં આવી છે. આ કેસમાં સુપ્રીમ કોર્ટે કહ્યું કે અદાલતોએ કોઈપણ કેસમાં નિર્ણય આપતી વખતે તેમનો અંગત અભિપ્રાય/શિક્ષણ આપવાનું ટાળવું જોઈએ. સુપ્રીમ કોર્ટે કહ્યું કે હાઈકોર્ટની ટિપ્પણી અત્યંત વાંધાજનક અને બિનજરૂરી છે.

કોર્ટે છોકરાઓને પણ સલાહ આપી

સુપ્રીમ કોર્ટે કહ્યું કે આ કલમ 21 હેઠળના મૂળભૂત અધિકારોનું ઉલ્લંઘન છે. કોર્ટે વકીલ માધવી દિવાનને એમિકસ ક્યુરી તરીકે નિયુક્ત કર્યા છે. આ સાથે કોર્ટે રાજ્ય સરકારને પૂછ્યું છે કે શું તે હાઈકોર્ટના નિર્ણય સામે અપીલ દાખલ કરવા માંગે છે. વકીલો સરકાર પાસેથી સૂચનાઓ લેશે અને કોર્ટને જાણ કરશે. કોલકાતા હાઈકોર્ટે સગીર વયના યૌન ઉત્પીડનના કેસમાં પોતાના ચુકાદામાં કહ્યું હતું કે 'છોકરીઓએ... પોતાની ઈચ્છાઓ પર નિયંત્રણ રાખવું જોઈએ અને 2 મિનિટના આનંદ પર ધ્યાન કેન્દ્રિત કરવું જોઈએ નહીં. આ સાથે કોર્ટે છોકરાઓને પણ સલાહ આપી હતી કે તેઓ પણ છોકરીઓની ગરિમાનું સન્માન કરે. છોકરીએ સ્વેચ્છાએ સેક્સ કર્યું હોવાનું નિવેદન આપ્યા બાદ કોર્ટે POCSO આરોપમાંથી આરોપી છોકરાને પણ નિર્દોષ જાહેર કર્યો હતો.