તપાસ / અમદાવાદની જાણીતી મંગલમૂર્તિ મોબાઈલ માર્કેટમાં GSTની રેડ, રશિયન કવર હાઉસમાં સર્ચ, જાણો વિગત "

• અમદાવાદની જાણીતી મંગલમૂર્તિ મોબાઈલ માર્કેટમાં રેડ
• GST વિભાગના અધિકારીઓ દ્વારા રેડ કરવામાં આવી 
• રશિયન કવર હાઉસ નામની મોબાઈલ દુકાનમાં રેડ 

અમદાવાદની જાણીતી મંગલમૂર્તિ મોબાઈલ માર્કેટમાં GST વિભાગના દરોડા પડતા વેપારીઓમાં ફફડાટ ફેલાયો હતો. GST વિભાગના અધિકારીઓ દ્વારા રેડ કરવામાં આવી હતી. રશિયન કવર હાઉસ નામની મોબાઈલ દુકાનમાં તપાસ અર્થે જીએસટીના અધિકારીઓ ત્રાટકયા હતા. આ દરમિયાન રશિયન કવર દુકાનના માલિક જીતુ ઉર્ફે રશિયન પણ હાજર રહ્યા હતા અને તેમની હાજરીમાં જ આ તપાસ હાથ ધરવામાં આવી હતી. જ્યા અધિકારીઓ દ્વારા દુકાનની અંદરનો તમામ સ્ટોક ગણવાની કાર્યવાહ ચાલુ કરાઈ હતી.

રશિયન કવર દુકાનના માલિક જીતુ ઉર્ફે રશિયનની હાજરીમાં તપાસ 

મહત્વનું છે કે આ પેઢીમાંથી કોઈ વાંધાજનક વસ્તુ મામલે હજુ જીએસટીના અધિકારીઓ દ્વારા ફોડ પાડવામાં આવ્યો નથી. પરંતુ તપાસ બાદ સત્તાવાર રીતે વિગતો સામે આવી શકે છે. વધુમાં જીએસટીની રેડને પગલે વિસ્તારમાં સોપો પડી ગયો હતો. તો અમુક કસૂરવાર વેપારીઓમાં આ રેડને પગલે નાસભાગ મચી ગઇ હતી. ઉલ્લેખનીય છે કે આ માર્કેટ મોબાઈલ માટે ખૂબ જાણીતી છે જેની પેઢીઓ વાર્ષિક કરોડોનું ટર્નઓવર ધરાવે છે.