- મુંબઈના મીરા રોડ વિસ્તારમાં ચોંકાવનારી ઘટના બની
- લિવ-ઈન પાર્ટનરની હત્યા કરી તેના ટુકડા કરી નાખ્યા
- હત્યાનો આરોપી મનોજ સાને હાલ પોલીસ કસ્ટડીમાં છે
મુંબઈના મીરા રોડ વિસ્તારમાં લિવ-ઈન પાર્ટનરની હત્યાના સમાચારે બધાને ચોંકાવી દીધા છે. 56 વર્ષીય વ્યક્તિએ પહેલા તેના 32 વર્ષીય લિવ-ઈન પાર્ટનરની હત્યા કરી અને તેના મૃતદેહની એવી રીતે ઠેકાણે લગાવ્યો કે જાણીને કોઈ પણ કંપી જાય. મૃતદેહને નાના-નાના ટુકડા કરી કૂકરમાં ઉકાળવામાં આવ્યા હતા. નવાઈની વાત એ છે કે આ વ્યક્તિને કોઈ અફસોસ નથી. આ વાત ખુદ આરોપીએ સ્વીકારી છે. એક ખાનગી ન્યૂઝને મળેલી માહિતી અનુસાર પાર્ટનરની હત્યા કરીને તેના શરીરના ટુકડા કરવાના આરોપીએ પોલીસને જણાવ્યું કે તે એચઆઈવી પોઝીટીવ છે અને તેના કારણે બંને વચ્ચે તણાવ હતો. આરોપીએ એમ પણ કહ્યું કે તેને કોઈ પસ્તાવો નથી.
શારીરિક સંબંધો નથી બનાવ્યા
હત્યાનો આરોપી મનોજ સાને પોલીસ કસ્ટડીમાં છે અને પોલીસ તેની પૂછપરછ કરી રહી છે. અત્યાર સુધી જે માહિતી સામે આવી રહી છે તે મુજબ આરોપી પોલીસને સતત નવી-નવી વાતો જણાવી રહ્યો છે. મળતી માહિતી મુજબ જ્યારે તેને પૂછવામાં આવ્યું કે બંને વચ્ચે કેવા સંબંધો છે, તો તેણે કહ્યું કે તે મહિલાને પ્રેમ કરે છે, તેની સાથે અટેચ છે, લગ્ન કરવા માંગે છે પરંતુ મેં તેની સાથે શારીરિક સંબંધો નથી બનાવ્યા.
આરોપીએ HIV હોવાની કબૂલાત કરી હતી
લિવ-ઈન પાર્ટનર હોવા છતાં શારીરિક સંબંધો કેમ ન બાંધ્યા તે અંગે પોલીસે તેને પૂછપરછ કરી તો તેણે કહ્યું કે તેને અસાધ્ય બીમારી છે. આ રીતે તેણે પોલીસ સમક્ષ કબૂલાત કરી કે તે HIP પોઝિટિવ છે. તેણે જણાવ્યું કે બીમારીને કારણે તણાવ હતો.સાથે જ પોલીસનું કહેવું છે કે આરોપી પોતાના બચાવ માટે પણ આ વાતો કહી શકે છે. પોલીસે કહ્યું છે કે જ્યાં સુધી મેડિકલ રિપોર્ટ દ્વારા આની પુષ્ટિ ન થાય ત્યાં સુધી આરોપીની વાત પર વિશ્વાસ કરી શકાય નહીં. પોલીસની શંકાનું કારણ પણ છે, કારણ કે આરોપીએ ઘણી બધી વાતો કહી છે. મહિલાએ આત્મહત્યા કરી હોવાનું પણ આરોપીએ જણાવ્યું હતું. પોલીસ તેને આરોપી બનાવી શકે છે તેવા ડરથી તેણે લાશના ટુકડા કરી નાખ્યા.
