બીમારીનું ટેસ્ટિંગ / મહત્વની શોધ ! આંગળીઓની લંબાઈ પરથી ખબર પડી જશે કોરોના છે કે નહીં? આવી રીતે જોઈને પકડો બીમારી

• બ્રિટન, પોલેન્ડ અને સ્વીડનના વૈજ્ઞાનિકોનો સહિયારો સ્ટડી
• આંગળીઓની લંબાઈ પરથી જાણી શકાય છે કોરોના છે કે  નહીં 
• જે લોકોની અનામિકા આંગળી નાની હોય તેમને કોરોનાનો ગંભીર ખતરો 
• નખ અને આંગળીઓ જોઈને ખબર પડી જાય કોરોના છે કે નહીં 

બે વર્ષથી વધુ સમય બાદ પણ કોરોનાનું જોખમ ઘટ્યું નથી. જેમ જેમ સમય વીતતો જાય છે તેમ તેમ કોરોના વાયરસના ઘણા નવા વેરિએન્ટ સામે આવી રહ્યા છે. સાથે જ આ વાયરસ સાથે જોડાયેલી ઘણી નવી જાણકારીઓ અને તેના ખતરાને સમજવા માટે દુનિયાભરના વૈજ્ઞાનિકો રિસર્ચમાં લાગી ગયા છે. કોરોનાને લગતી માહિતીમાં હજુ પણ કોરોનાનું કારણ યોગ્ય રીતે જાણી શકાયું નથી. આ ઉપરાંત તેના લક્ષણો અંગે પણ આ બીમારીની અનેક નવી થિયરીઓ બહાર આવી રહી છે.

નખ અને આંગળીઓ જોઈને ખબર પડી જાય કોરોના છે કે નહીં 
વાયરસની પ્રકૃતિને સમજવાના પ્રયાસમાં વૈજ્ઞાનિકોએ હાલમાં જ એક અભ્યાસ કર્યો છે, જેમાં સામે આવ્યું છે કે, કોઈ વ્યક્તિના નખ જોઈને પણ ખબર પડી જાય છે કે વ્યક્તિને કોરોના થવાનો ખતરો કેટલો છે. આ અભ્યાસ પરથી એ વાત સામે આવી કે માત્ર નખ જ નહીં પરંતુ વ્યક્તિની આંગળીઓની સાઈઝ જોઈને પણ જાણી શકાય છે કે તેને કોરોનાનો કેટલો ખતરો છે.

જે લોકોની અનામિકા આંગળી નાની હોય તેમને કોરોનાનો ગંભીર ખતરો 
સાયન્ટિફિક જર્નલમાં પ્રકાશિત થયેલા આ અધ્યયનમાં બતાવવામાં આવ્યું છે કે જે લોકોની તર્જની આંગળીની તુલનામાં અનામિકા નાની હોય છે તેમને કોરોનાનો ગંભીર ખતરો રહેતો હોય છે. 

જમણા અને ડાબા હાથની આંગળી વચ્ચે ફર્ક ધરાવતા લોકોમાં પણ કોરોનાનો ખતરો 
અભ્યાસના તારણમાં જાણવા મળ્યું છે કે નાની અનામિકા આંગળી વાળા લોકોમાં કોરોના બીમારી અને તેના લક્ષણોને કારણે હોસ્પિટલમાં દાખલ થવાની વધારે સંભાવના રહે છે. ગંભીર કોવિડ રોગ અને તેના લક્ષણોને કારણે નાની રિંગ ફિંગરવાળા લોકોને હોસ્પિટલમાં દાખલ થવાની સંભાવના વધારે છે. આ ઉપરાંત અભ્યાસમાં એવું પણ જાણવા મળ્યું છે કે જે લોકોને જમણા અને ડાબા હાથની આંગળીઓમાં મોટો તફાવત હોય છે તેઓમાં પણ આ વાઇરસના ગંભીર લક્ષણો જોવા મળે છે.

કોણે કર્યો આવો મહત્વનો અભ્યાસ 
યુકેની સ્વાનસી યુનિવર્સિટી, પોલેન્ડની મેડિકલ યુનિવર્સિટી ઓફ લોડ્ઝ અને સ્વીડનની કેરોલિન્સ્કા યુનિવર્સિટી હોસ્પિટલના સંશોધકોની ટીમે કોવિડ -19 થી ચેપ લાગ્યો હોય ત્યારે વ્યક્તિના હોર્મોન સ્તર (મુખ્યત્વે ટેસ્ટોસ્ટેરોન) ની તેમની રિકવરી સ્થિતિ પર શું અસર પડે છે તે સમજવા માટે આ અભ્યાસ હાથ ધર્યો હતો.