કાર્યવાહી / આવકવેરા વિભાગનું ગુજરાત અને મુંબઈમાં મેગા સર્ચ ઓપરેશન, પ્રતિષ્ઠિત પોલિકેબ ઈન્ડિયા લિમિટેડના 35 સ્થળે દરોડા

• IT વિભાગની પોલિકેબ લિમિટેડ સામે કાર્યવાહી
• ગુજરાત અને મુંબઈની 35 જગ્યા પર દરોડા
• ઓફિસ અને નિવાસ સ્થાનો પર હાથ ધરાયું સર્ચ

આવકવેરા વિભાગનું ગુજરાત અને મુંબઈમાં મેગા સર્ચ ઓપરેશન હાથ ધર્યુ છે. આર. આર. કેબલ બાદ દેશની વધુ એક પ્રતિષ્ઠિત કંપની પોલિકેબ ઈન્ડિયા લિમિટેડના કુલ 35 સ્થળો પર તપાસ હાથ ધરવામાં આવી છે. GST અને IT વિભાગે સંયુક્ત રીતે સર્ચ ઓપરેશનની કાર્યવાહી હાથ ધરી છે. ગુજરાતના હાલોલ સ્થિત કંપનીનો પ્લાન્ટ તો અમદાવાદ સ્થિત સેલ્સ ઓફિસમાં પણ સર્ચની કાર્યવાહી હાથ ધરવામાં આવી છે. તપાસમાં મોટા બેનામી વ્યવહારો સામે આવે તેવી શક્યતાઓ સેવાઈ રહી છે.

35 સ્થળો પર સર્ચ
પોલિકેબ ઇન્ડિયા લિમિટેડની મુંબઇ અને ગુજરાતની ઓફિસો પર સર્ચ ચાલી રહ્યું છે. હાલોલ સ્થિત પ્લાન્ટ અને અમદાવાદની સેલ્સ ઓફિસ પર સર્ચમાં કુલ 35 સ્થળો પર આયકર અધિકારીઓએ સર્ચ કરી રહ્યા છે. પાપ્ત માહિતી મુજબ પોલિકેબ ઇન્ડિયાનું વાર્ષિક ટર્નઓવર રૂપિયા 8900 કરોડનું ટર્ન ઓવર ધરાવે છે.

અગાઉ અમદાવાદમાં દરોડા પાડ્યા હતા
અગાઉ અમદાવાદ શહેરના જાણીતા અવિરત ગ્રુપ અને શિપરમગ્રુપ સહિત 3 ગ્રુપ પર આઈટી ત્રાટકયુ હતું. અવિરત ગ્રુપના કનુભાઈ પટેલ સંદીપભાઈ પટેલ અને બળદેવભાઈ પટેલને ત્યાં પણ તપાસ કરાઈ હતી. બિલ્ડર ગ્રુપ સાથે સંકળાયેલા અમદાવાદના બે ટોચના બ્રોકર પણ ઇન્કમટેક્સની ઝપટમાં આવ્યા હતા. હાઇકોર્ટ પાસે આવેલી ઓફિસ સહિત અન્ય ઓફિસો પર પણ આવકવેરા ખાતા દ્વારા તપાસ હાથ ધરી હતી.  ઇન્કમટેક્સનો 150 થી પણ વધુ અધિકારીઓનો કાફલો તપાસમાં જોડાયો હતો. તપાસના અંતે મોટી કરચોરી મળી આવી તેવી વિગતો પણ સામે આવી હતી.