હાઉ / તેજ વાવાઝોડા અંગે દેશના હવામાન વિભાગનું એલર્ટ, આ દિશા તરફ વધ્યું આગળ, ગુજરાતને કેટલો ખતરો?

• તોફાની ચક્રવાત તેજના હાઉ વચ્ચે હવામાન વિભાગ દ્વારા એલર્ટ
• આજે સાંજ સુધીમાં તે ગંભીર ચક્રવાતી તોફાનમાં બદલાઈ શકે છે
• 25 ઓક્ટોબરની સવારે ચક્રવાત યમન અને ઓમાનના દરિયાકાંઠાને પાર કરશે

તોફાની ચક્રવાત તેજના હાઉ વચ્ચે હવામાન વિભાગ દ્વારા એલર્ટ જારી કરવામાં આવ્યું છે. જેમાં હવામાન વિભાગે કહ્યું કે અરબી સમુદ્ર પર થયેલ દબાણ હવે ચક્રવાત તેજમાં પરિવર્તિત થયું છે. જેનું પશ્ચિમ મધ્ય બંગાળની ખાડી પણ દબાણ બની રહ્યું છે અને આગામી 24 કલાક એટલે કે 22 ઓક્ટોબરને સાંજ સુધીમાં તે ગંભીર ચક્રવાતી તોફાનમાં બદલાઈ શકે છે. સાથે હવામાન વિભાગે એવું પણ એલર્ટ જારી કર્યું છે કે લગભગ 25 ઓક્ટોબરની સવારે ચક્રવાત યમન અને ઓમાનના દરિયાકાંઠાને પાર કરશે.

IMD અનુસાર આ વર્ષે અરબી સમુદ્રમાં સર્જાયેલું આ બીજું ચક્રવાતી તોફાન
અગાઉ, IMD ચક્રવાતી તોફાન રવિવારે એક ગંભીર ચક્રવાતી તોફાનમાં ફેરવાઈ અને ઓમાન નજીકના યમનના દક્ષિણ કિનારા તરફ આગળ વધે તેવી આગાહી કરી હતી. IMD અનુસાર આ વર્ષે અરબી સમુદ્રમાં સર્જાયેલું આ બીજું ચક્રવાતી તોફાન છે. જેનું નામ 'તેજ' રખાયું છે.

માર્ગથી ભટકી શકે છે ચક્રવાતી તોફાન

આગાહીને પગલે હવામાનશાસ્ત્રીઓના જણાવાયા અનુસાર ક્યારેક આગાહી અનુસાર આ તોફાન પોતાનો માર્ગથી ભટકી શકે છે, ચક્રવાત 'બિપરજોય'ની વાત કરવામાં આવે તો આ વાવાઝોડાના કિસ્સામાં આવું થયું હતું આ તોફાન જૂનમાં અરબી સમુદ્રમાં સર્જાયું હતુ. જે શરૂઆતમાં ઉત્તર-પશ્ચિમ દિશામાં આગળ વધ્યા બાદ ગુજરાતના માંડવી અને પાકિસ્તાનના કરાચી તરફ ફંટાયું હતું. IMDએ એવું પણ જણાવ્યું કે ચક્રવાત તેજ પશ્ચિમ-ઉત્તર-પશ્ચિમ દિશામાં ઝડપથી આગળ વધવાની શકયતા છે જ્યારે ગુજરાત પશ્ચિમમાં આવતું હોવાથી હાલ કોઈ અસર થાય તેવી શકયતા નથી. વધુમાં ગુજરાતમાં આગામી સાત દિવસ સુધી હવામાન સૂકું રહે તેવું હવામાન વિભાગ દ્વારા સત્તાવાર રીતે જાહેર કરાયું છે.