- કિંગ કોહલી વધુ એક કમાલ કરી બતાવ્યો
- કોહલી બન્યા 'પ્લેયર ઓફ ધ મંથ'
- કોહલીનું વર્લ્ડ કપમાં શાનદાર પ્રદર્શન
ભારતીય ટીમના પૂર્વ કેપ્ટન વિરાટ કોહલી હાલના દિવસોમાં T20 વર્લ્ડ કપ 2022માં ઘણું સારું પ્રદર્શન કરી રહ્યા છે. કોહલીના આ કમબેકથી લોકો પણ ઘણા ખુશ છે આ બધા વચ્ચે કોહલી વધુ એક કમાલ કરી બતાવ્યો છે. જણાવી દઈએ કે કોહલીને T20 ક્રિકેટમાં તેના પર્ફોમન્સ માટે ઇન્ટરનેશનલ ક્રિકેટ કાઉન્સિલ એટલે કે ICC દ્વારા પ્લેયર ઓફ ધ મંથનો એવોર્ડ આપવામાં આવ્યો છે.
કોહલી બન્યા 'પ્લેયર ઓફ ધ મંથ'
જણાવી દઈએ કે વિરાટ કોહલીની સાથે ઝિમ્બાબ્વે ટીમના સિકંદર રઝા અને દક્ષિણ આફ્રિકાના ડેવિડ મિલર પણ મેન્સ કેટેગરીમાં આ એવોર્ડ માટે નોમિનેટ થયા હતા. અને આ બધાને માત આપીને કોહલીએ આ એવોર્ડ જીતી લીધો છે. જણાવી દઈએ કે કોહલીને પહેલી વખત આ એવોર્ડ મળ્યો છે અને આ એવોર્ડ ગયા મહિનામાં એટલે કે ઓક્ટોબરમાં તેના શાનદાર પ્રદર્શનને કારણે મળ્યો છે.
કોહલીનું વર્લ્ડ કપમાં શાનદાર પ્રદર્શન
34 વર્ષના વિરાટ કોહલી છેલ્લા 3 વર્ષથી ખતબ ફૉર્મમાં ચાલી રહ્યા છે પણ છેલ્લા ત્રણ મહિનાથી એમને પોતાનો લય પાછો મળ્યો છે. જણાવી દઈએ કે આ સિઝનમાં કોહલીએ અત્યાર સુધીના સૌથી વધુ 246 રન બનાવ્યા છે. આ રન બનાવતા સમયે એમને 3 અડધી સદી ફટકારી છે અને વર્લ્ડ કપમાં પાકિસ્તાન સામે અણનમ 82, નેધરલેન્ડ સામે 62 અણનમ અને બાંગ્લાદેશ સામે 64 અણનમ રન બનાવીને અર્ધસદી ફટકારી છે.
આ ટી-20 વર્લ્ડ કપમાં વિરાટ કોહલી
મેચ - 5
રન - 246
ફિફ્ટી - 3
સરેરાશ - 123
પાકિસ્તાનની નિદાને ફિમેળ કેટેગરીમાં મળ્યો એવોર્ડ
ICC એ સોમવારેપુરૂષો અને મહિલાઓ કેટેગરીમાં ઓક્ટોબર માટેના પ્લેયર ઓફ ધ મંથ જાહેર કર્યા હતા. એમાં કોહલીએ મેન્સ કેટેગરીમાં અને પાકિસ્તાનની નિદા ડારે ફિમેલ કેટેગરીમાં આ એવોર્ડ મેળવ્યો છે. જણાવી દઈએ કે કોહલીએ ઓક્ટોબર મહિનામાં 4 T20 મેચ રમી હતી અને આ દરમિયાન તેમણે બે અર્ધસદી ફટકારી હતી.
આ પહેલા પણ કોહલી જીતી ચૂક્યા છે આ એવોર્ડ
જણાવી દઈએ કે વિરાટ કોહલીનો આ પહેલો ICC એવોર્ડ નથી. કિંગ કોહલી આ પહેલા પણ તે ICC ક્રિકેટર ઓફ ધ યર, ક્રિકેટર ઓફ ધ ડીકેડ, ODI ક્રિકેટર ઓફ ધ ડીકેડ, ODI પ્લેયર ઓફ ધ યર, ટેસ્ટ પ્લેયર ઓફ ધ યર જેવા અઢળક એવોર્ડ જીતી ચૂક્યા છે.
