નવાઈ પમાડે તેવું / 'જમાઈ'ના નામથી ઓળખાય છે ભારતનું આ ગામ, ઈતિહાસ જાણીને ચોંકી જશો

• ઘણા ગામડાઓના ઇતિહાસને કારણે આજે પણ તેઓ આખા દેશમાં ચર્ચિત છે.
• 40 થી વધુ ઘર જમાઈના છે અને તેને કારણેએ ગામડાને દામાદનપુરવા નામે ઓળખાય છે. 
• 1970માં ગામડાંની રાજરાણીના પતિ તેના સાસરામાં આવીને રહેવા લાગ્યા હતા

ભારતમાં ઘણી એવી જગ્યાઓ છે જેનો ઇતિહાસ જાણીને તમે પણ અચંબિત થઈ જશો. એવા જ ભારતના ઘણા ગામડાઓના ઇતિહાસને કારણે આજે પણ તેઓ આખા દેશમાં ચર્ચિત છે. આજે અમે તમને એક એવા જ ગામડા વિશે જણાવવા જઈ રહ્યા છીએ. તમે એવા ગામડા વિશે સાંભળ્યું જ હશે જ્યાં ફક્ત જુડવા બાળકો જ જન્મ લે છે. પણ ભારતમાં એક એવું પણ ગામડું છે જ્યાં 40 થી પણ વધુ જમાઈના ઘર છે અને તેને કારણે જ એ ગામડાને દામાદનપુરવા નામે ઓળખાય છે. 

70 માંથી 40 ઘર જમાઈના 
કાનપુરમાં આવેલ એ ગામડામાં લગભગ 500 લોકો રહે છે. આ ગામડું અકબરપૂર ક્ષેત્રમાં આવેલ છે અને ત્યાં લગભગ 70 ઘર છે. તમને જાણીને આશ્ચર્ય થશે કે એ 70 ઘરોમાંથી 40 થી વધુ ઘર જમાઈના છે. ત્યાં રહેતા વૃદ્ધો અનુસાર 1970માં ગામડાંની રાજરાણીના લગ્ન થયા પછી તેમના પતિ સાંવરે કાંઠેરીયા તેના સાસરામાં આવીને રહેવા લાગ્યા હતા. 

શું છે ઇતિહાસ 
જો કે સાંવરે કાંઠેરીયાને રહેવા માટે જગ્યા ઓછી પડતી હતી એટલા માટે ગામડા પાસે જમીન આપવામાં આવી હતી. રાજરાણીના પતિ પછી ઘણા છોકરાઓએ ગામની દીકરી સાથે લગ્ન કર્યા અને પહેલા જમાઈ બન્યા અને પછી ત્યાં જ જમીન લઈને રહેવા લાગ્યા હતા. ત્યાંથી જ આ પરંપરા વધવા લાગી અને વર્ષ 2005 સુધીમાં એ ગામડામાં 40 ઘર ત્યાંના જમાઈના બની ગયા હતા. તમને જણાવી દઈએ કે સૌથી ઉંમરલાયક જમાઈ 78 વર્ષનો છે. 

આજે પણ ચાલે છે પરંપરા 
તમને જાણીને નવાઈ લાગશે પણ આજ સુધી આ રિવાજ ચાલે છે. તેનો મતલબ એ છે કે ત્રીજી પેઢી સુધીના જમાઈ આ ગામડામાં આવીને વસે છે.