રણનીતિ / ચૂંટણી પહેલા તમામ વર્ગોને આકર્ષવા માટે ભાજપનો માસ્ટર પ્લાન, શરૂ કરશે આ અભિયાન

• ભાજપનો સુપોષણ અભિયાન 
• કુપોષણના ડેટા પહેલા મેળવશે 
• ચૂંટણી પહેલા ઘર-ઘર, હર-ઘર 

ગુજરાતમાં વિધાનસભા ચૂંટણી અગાઉ પ્રદેશ ભાજપ તમામ વર્ગોને આકર્ષવા પ્રયાસ કરી રહ્યો છે. પ્રદેશ ભાજપે મહિલાઓ સાથે સીધો સંપર્ક સાધવા માટે એક અભિયાન હાથ ધર્યું છે. આ અંતર્ગત પ્રદેશ ભાજપ દ્વારા સુ પોષણ અભિયાન હાથ ધરવામાં આવશે. આ અભિયાનની જવાબદારી પ્રદેશ મહામંત્રી રજની પટેલને સોંપાઈ છે. સાથોસાથ ભાજપ ડોકટર સેલના પ્રમુખ ધર્મેન્દ્ર ગજ્જરને પણ જવાબદારી અપાઈ છે. રાજ્ય સરકારમાંથી સરકારમાંથી કુપોષણના ડેટા મંગાવીને સુપોષણ અભિયાન હાથ ધરાશે. રાજ્યના આદિવાસી અને પછાત વિસ્તારોમાં કુપોષિત બાળકોની સંખ્યાને આધારે રૂપરેખા  ઘડાશે. પ્રથમ ત્રણ માસમાં સુપોષણ અભિયાન પૂર્ણ કરવાનો ભાજપનો ટાર્ગેટ છે. અભિયાન અંતર્ગત વિવિધ ખાદ્ય સામગ્રી  ડેમોસ્ટેશન યોજાયું હતું. ડેમોસ્ટેશન મારફત ભાજપના મહિલા પાંખને સમગ્ર અભિયાન અંતર્ગત  અવગત કરવામાં આવી હતી. સુપોષણ અભિયાન દરમિયાન કઠોળ, ફળ-ફળાદિ સહિતના ખાદ્ય સામગ્રી દ્વારા  સમજ અપાઈ હતી.