શૉકિંગ ન્યૂઝ / રસ્તા પર હરતા-ફરતા કૂતરાએ CM સાહેબનું પોસ્ટર ચાવી નાંખ્યું, તો પોલીસમાં થઈ ગઈ ફરિયાદ

• કૂતરાએ મુખ્યમંત્રીનું પોસ્ટર ફાડ્યું તો નોંધાઈ ફરિયાદ
• આંધ્રપ્રદેશના મુખ્યમંત્રી જગન મોહન રેડ્ડીના પોસ્ટરને ફાડ્યું
• સોશિયલ મીડિયા યુઝર્સે આ મામલે ફની કોમેન્ટ્સ શરૂ કરી

હાલમાં એક ચોંકાવનારી ઘટના પ્રકાશમાં આવી છે. જે સાંભળીને તમને પણ આશ્ચર્ય થશે. જી હાં હાલમાં એક કુતરા પર ફરિયાદ કરવામાં આવી છે અને એ પણ એટલા માટે કે તે કૂતરાએ મુખ્યમંત્રીનું પોસ્ટર ફાડી નાખ્યું છે. આ ઘટના છે આંધ્રપ્રદેશની. હાલમાં સોશિયલ મીડિયા પર એક વીડિયો વાયરલ થઈ રહ્યો છે. આ વીડિયોમાં એક કૂતરો આંધ્રપ્રદેશના મુખ્યમંત્રી જગન મોહન રેડ્ડીના પોસ્ટરને ફાડી રહ્યો છે. આ અંગે હવે તે કૂતરા સામે ફરિયાદ દાખલ કરવામાં આવી છે. એવું કહેવામાં આવ્યું હતું કે આ મુખ્યમંત્રીનું અપમાન છે અને કૂતરા સામે પગલાં લેવા જોઈએ. સોશિયલ મીડિયા યુઝર્સે આ મામલે ફની કોમેન્ટ્સ કરી છે.

પોસ્ટર ફાડવું એ સીએમનું અપમાન

આ મામલો રાજ્યના વિજયવાડા પોલીસ સ્ટેશનનો છે. એક ખાનગી ચેનલના અહેવાલ મુજબ આ ફરિયાદ વિપક્ષી પાર્ટી તેલુગુ દેશમના કાર્યકર દાસારી ઉદયશ્રીએ કરી છે. કટાક્ષ સ્વરૂપે ફરિયાદ કરવામાં આવી છે. ઉદયશ્રીએ કહ્યું કે પોસ્ટર ફાડવું એ સીએમનું અપમાન છે. તેણી અને પાર્ટીની કેટલીક અન્ય મહિલા કાર્યકરોએ કૂતરા સામે કાર્યવાહીની માંગ કરી છે. કૂતરાને ઉશ્કેરનારા અને વીડિયો વાયરલ કરનારાઓ સામે કાર્યવાહી કરવામાં આવે તેવું કહેવામાં આવ્યું હતું.

રાજ્યના 6 કરોડ લોકોની ભાવનાઓને ઠેસ પહોંચી

અહેવાલ છે કે પોસ્ટર મુખ્યમંત્રીના કાર્યક્રમ 'જગન મા ભવિષ્યથુ' સાથે સંબંધિત હતું. જેનો અર્થ છે- જગન અન્ના આપણું ભવિષ્ય છે. ફરિયાદીએ કહ્યું કે 151 વિધાનસભા બેઠકો જીતનાર જગન મોહન રેડ્ડી માટે તેમને માન છે, પરંતુ આંધ્ર પ્રદેશમાં એક કૂતરો મુખ્યમંત્રીનું અપમાન કરી રહ્યો છે. આનાથી રાજ્યના 6 કરોડ લોકોની ભાવનાઓને ઠેસ પહોંચી છે.

FIR filed against a dog in #Vijayawada #AndhraPradesh by #TeluguDesam women activists for tearing poster of @AndhraPradeshCM @ysjagan; she claims that it is an insult to leader who set a record winning 151 seats; @JaiTDP has played a role in video going viral @ndtv @ndtvindia pic.twitter.com/ugi9tiPkzr

— Uma Sudhir (@umasudhir) April 13, 2023

સોશિયલ મીડિયા પર આ સમાચારની ખૂબ ચર્ચા થઈ રહી છે. આ ઘટનાને લઈને સોશિયલ મીડિયા પર મિશ્ર પ્રતિક્રિયાઓ જોવા મળી રહી છે. એક યુઝરે ટિપ્પણી કરી-

હંમેશની જેમ અમારા નેતાઓ ખરેખર મહત્વપૂર્ણ મુદ્દાઓ પર ધ્યાન કેન્દ્રિત કરી રહ્યા છે.

Yes as always our leaders focusing on the really important issues 😐😐😐

— Kartik Venkat 🇮🇳🇺🇸⚽ (@kartik_venkat) April 13, 2023

વધુ એક યુઝરે ટોણો માર્યો અને કહ્યું,

આ મામલે ઉચ્ચ સ્તરીય તપાસની જરૂર છે. તેની તપાસ થવી જોઈએ કે કૂતરાએ માત્ર પોસ્ટર ફાડી નાખ્યું હતું કે તેના પર પેશાબ કર્યો હતો. શું કૂતરાને ટીડીપી અથવા અન્ય વિરોધ પક્ષો સાથે કોઈ સંબંધ છે? શું તેણે આવું પહેલીવાર કર્યું છે કે તે રીઢો ગુનેગાર છે. મને ખાતરી છે કે આંધ્રપ્રદેશ પોલીસ તમામ પ્રશ્નોના જવાબો શોધી લેશે.

Great Job @APPOLICE100 👏👏
But this case need higher scrutiny.check if the dog teared the poster..or worst if he peed on it.If dog has anywhere related to TDP or other opposn parties.if he has done it first time or habitual offender

I m sure AP police will find all the answers

— Patel 🏹 (@Patelshyd) April 13, 2023

અન્ય એક યુઝરે લખ્યું,

આ એક ખૂબ જ ગંભીર ગુનો છે અને કૂતરાની ધરપકડ કરીને વહેલી તકે કાર્યવાહી કરવાની જરૂર છે! આવા મહત્વપૂર્ણ સમાચાર શેર કરવા બદલ આભાર, ખાસ કરીને જ્યારે અન્ય કોઈ સમાચાર ન હોય!

This is a very serious crime and Dog needs to be arrested and put on trial asap! #UmaSudhir thanks for sharing such a piece of important news especially when there's no other news! 🤔

— Ashwanni Kumar (@KumarAshwanni) April 13, 2023

વધુ ઘણા લોકોએ કોમેન્ટ્સમાં GIF દ્વારા તેમની લાગણીઓ વ્યક્ત કરી.