શંકા / સુરતની ચોંકાવનારી ઘટના : 15 વર્ષની સગીરા દોઢ માસથી ગૂમ, આંધ્રપ્રદેશમાં વેચી દેવાનો પરિજનનો આરોપ

• સુરતના લીંબાયતની  સગીરા દોઢ માસથી ગૂમ
• સગીરાનું અપહરણ કરી વેચી દેવાયાની આશંકા 
• લીંબાયત પોલીસે ફરિયાદ લેવાની ના જ પડી દીધી 

સુરતમાં છેલ્લા  દોઢ માસથી લીંબાયત વિસ્તારની એક સગીરા ગૂમ છે.ત્યારે, સુરતની સંવેદનશીલ કહેવાતી પોલીસના લીંબાયત વિસ્તારના પોલીસ કર્મીઓને આ ઘટના બે-દમ હોવાનું લાગતા કોઈ પ્રકારની ફરિયાદ લેવા સીધો નનૈયો ભણી દીધો હતો. પરિણામે,સગીરાના પરિવારજનોએ પોલીસ કમિશનરને ફરિયાદ કરતા કહ્યું હતું કે,સગીરાને રાજસ્થાનમાં વેંચી દેવાઈ હોવાની આશંકા છે. 

શબનમ -રેહાના 'સુત્રધાર' ?

સુરના લીંબાયત વિસ્તારમાં રહેતી એક સગીરાને પાડોશમાં રહેતી શબનમ નામક મહિલા,દોઢ માસ પહેલા અમદાવાદ કઈક કામસર લઇ ગઈ હતી. ઓક્ટોબર  માસમાં શબનમ સાથે ગયેલી સગીરાના બાદમાં કોઈ જ સગડ નહોતા.થોડા સમય બાદ શબનમ અમદાવાદથી એકલી પરત આવતા, પૂછ પરછમાં શબનમે એટલું જ કહ્યું હતું કે,અઠવાડિયામાં આવી જશે. આમ છતાં પરિવારને ધરપત ના રહેતા, શબનમને ફરીવાર પૂછ પરછ કરી હતી. વારંવાર થતી ટકોરથી કંટાળેલી શબનમે,અમદાવાદમાં કોઈ રેહાના સાથે સગીરાના પરિવારની વાત કરાવી હતી,ત્યારે રેહાનાએ પણ કહ્યું કે,સગીરા તેની સાથે છે. 

સગીરાને વેંચી દેવાયાની આશંકા 

શબનમ અને રેહાનાની વાતમાં સગીરાને શંકા જતા તેણીએ જુદી રીતે તપાસ કરી હતી. સગીરાની માતાને જાણવા મળ્યું કે,પોતાની પુત્રી પાલનપૂરના કોઈ કાલુસિંહ નામની વ્યક્તિ પાસે છે. માતાએ પાલનપૂરમાં  તપાસ કરાવતા,તેમની પુત્રી ત્યાન નહોતી. રાજસ્થાનના ઉત્તમસિંહે કાળુસિંહ સાથે મળીને સગીરાને 4 લાખમાં આંધ્રપ્રદેશમાં વેચી દીધી હોવાનો આક્ષેપ કરવામાં આવ્યો છે. સગીરાએ માતા સાથે ફોન પર વાત કરતા કહ્યું હતું કે રૂપિયા આપીને મને છોડાવી જાઓ. સગીરા છેલ્લા દોઢ માસથી ભેદી રીતે ગૂમ છે છતાં લીંબાયત પોલીસે ફરિયાદ લીધી નહતી. જેથી સગીરાને શોધવા અને શબનમ, રેહાના, કાલુસિંહ અને ઉત્તમસિંહ સામે કાર્યવાહી કરવાની માંગ સાથે પોલીસ કમિશનરને ફરિયાદ કરી છે.