બેફામ / સુરત: સાજનની હવા નીકળી ગઈ, બે હાથ જોડી લંગડાતા પગે કર્યું ઘટનાનું રિકન્ટ્રક્શન, જુઓ વીડિયો

• સુરતના કાપોદ્રા અકસ્માતનો મામલો
• સાજન પટેલને સાથે રાખી રિકન્ટ્રક્શન કરાયું 
• આરોપીને ઘટના સ્થળે લઇ જવાયો 

રાજ્યમાં બેફામ વાહન ચલાવતા નબીરાઓના પાપે નિર્દોષ લોકો ભોગ બનતા હોય છે. અમદાવાદના ઈસ્કોન અકસ્માત બાદ બાદ સુરતમાં અકસ્માતની ઘટના ઘટતા ચકચાર મચી છે. સુરતના કાપોદ્રામાં રાત્રે નબીરાએ બેફામ સ્પીડે GJ 05 RN 9995 નંબરની સ્વીફ્ટ કાર ચલાવી 5 લોકોને અડફેટે લઈ અકસ્માત સર્જ્યો હતો. જો કે, ઘટનાને પગલે પોલીસે કાર્યવાહીનો ધમધમાટ પણ શરૂ કરી દીધો છે. અકસ્માત મામલે પોલીસે આરોપી સાજન પટેલને સાથે રાખી સમગ્ર ઘટનાનું રિકન્ટ્રક્શન કર્યું છે.  

 રિકન્ટ્રક્શન કરાયું
સુરતના કાપોદ્રા અકસ્માત મામલે પોલીસે આરોપી સાજન પટેલને સાથે રાખી ઘટના સ્થળનું રિકન્ટ્રક્શન કર્યું છે. જેમાં આરોપીને ઘટના સ્થળે લઇ જવાયો હતો અને જ્યાં સમગ્ર અકસ્માત મામલે પૂછપરછ કરવામાં આવી હતી. અત્રે જણાવીએ કે, તે ઘટનાસ્થળે ચુસ્ત પોલીસ બંદોબસ્ત ગોઠવવામાં આવ્યો હતો.

શું હતી સમગ્ર ઘટના ? 
સુરતના કાપોદ્રામાં રાત્રે નબીરાએ બેફામ સ્પીડે GJ 05 RN 9995 નંબરની સ્વીફ્ટ કાર ચલાવી 5 લોકોને લીધા અડફેટે અકસ્માત સર્જાયો હતો. મહત્વનું છે કે સ્નેહમુદ્રા સોસાયટી પાસે રાત્રે કારચાલક બેફામ બન્યો હતો. જોકે હવેઆ અકસ્માતના CCTV ફૂટેજ સામે આવ્યા છે. જેમાં બેફામ જતી કાર વાહનચાલકોને ઉડાવ્યા હોવાનું દેખાઈ રહ્યું છે. ઓવર સ્પીડમાં જતી કારએ યુવાનોને અડફેટે લેતા કેટલાક વ્યક્તિઓ ઇજાગ્રસ્ત બન્યા હતા.  

શું કહ્યું અકસ્માત સર્જનાર નબીરાએ ? 
સુરતના કાપોદ્રામાં રાત્રિના સમયે અકસ્માત સર્જનાર નબીરા સાજન ઉર્ફે સન્ની પટેલે કહ્યું કે, 40-50ની સ્પીડમાં હતા એ લોકો, અચાનક જ આવી ગયા, જેમાં પબ્લિક મને માર મારતી હતી જેથી મે ત્યાંથી ભાગવાનો પ્રયત્ન કર્યો. બે ટુવ્હીલર વાળા હતા. આ સાથે તેણે કહ્યું કે, હું ગાડી લે-વેચનો ધંધો કરું છું. મિત્રની બર્થ-ડે પાર્ટીમાં ખાલી એને મળવા ગયેલો બર્થ-ડે પાર્ટી પતી ગયેલી હતી. આ સાથે તેણે ઉમેર્યું કે, મને માર માર્યો છે 10 ટાંકા આવ્યા. આ સાથે કહ્યું કે ,બીજા કોઇને ઇજા નથી થઇ. એમને માત્ર છોલાઇ ગયેલું. તેણે કહ્યું કે, હું સીધો જતો હતો અને એ ક્રોસમાં જતા હતા. 

રાજ્યમાં બેફામ બની વાહન ચલાવતા નબીરાઓના પાપે જાણે માર્ગો પર મોત ઘૂમતું હોય તેવી સ્થિતિ સર્જાય છે. મોટા શહેરોમાં એક પછી એક અકસ્માતની ઘટનાઓ સામે આવી રહી છે. અમદાવાદના તથ્યકાંડ બાફ હવે સુરતમાં અકસ્માતની ઘટના સામે આવતા ચકચાર મચી છે. સુરતના કાપોદ્રામાં રાત્રે નબીરાએ બેફામ સ્પીડે GJ 05 RN 9995 નંબરની સ્વીફ્ટ કાર ચલાવી 5 લોકોને લીધા અડફેટે અકસ્માત સર્જાયો હતો. મહત્વનું છે કે સ્નેહમુદ્રા સોસાયટી પાસે રાત્રે કારચાલક બેફામ બન્યો હતો.

3 બાઈક સવાર અને 2 રાહદારીને અડફેટે લીધા હતા
વાયુ વેગે કાર ચલાવી સુરતમાં સાજન ઉર્ફે સન્ની પટેલે 3 બાઈક સવાર અને 2 રાહદારીને અડફેટે લીધા હતા. જેને લઈને અફરાતફરી સર્જાઈ હતી. એટલું જ નહીં બાઈક ચાલકને 20 ફૂટ સુધી ઢસડ્યા બાદ કાર રોકાતા રૂવાટા ઉભા થઇ જાય તેવા દ્રશ્યો સર્જાયા હતા. આ અકસ્માતમાં વિવેક અને કિશન હીરપરા તથા ઋષિત અને યશ નામના યુવાનોને ગંભીર ઈજા થવા પામી હતી. આરોપીએ નીતિની નિયમ નેવે મૂકી BRTS રૂટમાં ઓવરસ્પિડમાં કાર ચલાવી અકસ્માત સર્જયો હતો. આરોપી કારના ચાલકે એક બાદ એક ત્રણ બાઈક ચાલકને અડફેટે લીધા હતા. બાદમાં કારની એરબેગ્સ ખુલી ગઈ હતી.